“स्वत:च्या मजेसाठी जन्माला घालता का?” नवजात बाळाला अक्षरश: पाईपमध्ये टाकून दिलं; धक्कादायक VIDEOनं एकच खळबळ

आपल्या चुकांवर पांघरूण घालणारी, आपल्याला उभं राहण्यासाठी बळ देणाऱ्या आईची तुलना कोणासोबतही होऊ शकत नाही. सोशल मीडियावर दररोज आई आणि मुलाच्या नात्याचे अनेक व्हिडीओ व्हायरल होतात. यातील काही व्हिडीओ आपल्या मनात घर करून राहतात, तर काही वेळा अशा घटना समोर येतात की त्यावर विश्वास ठेवणंही कठीण होतं. सध्या अशीच एक संतापजनक घटना समोर आली आहे. आई आपल्या लेकरासाठी खूप काबाडकष्ट करत असते, पण तीच आई मुलाच्या जीवावर उठली तर काय?

एका जन्मदात्या आईनं नुकत्याच जन्मलेल्या एका बाळाला नाळही न कापलेल्या अवस्थेत अक्षरश: पाईपमध्ये टाकून दिलं. या व्हिडीओमध्ये तुम्ही पाहू शकता, एका पाईलाईनमधून बाळाच्या रडण्याचा आज येत होता तेव्हा हा सगळा प्रकार समोर आला आहे. यावेळी बचाव पथकानं घटनास्थळी येत पाईप कापून बाळाला सूखरूप बाहेर काढलं. हा व्हिडीओ पाहून तुमच्याही अंगावर काटा येईल.

पाहा व्हिडीओ

सोशल मीडियावर हा व्हिडीओ its_shailya_edit47 नावाच्या इन्स्टाग्राम अकाऊंटवरुन शेअर करण्यात आला आहे. यावर आता नेटकरीही संताप व्यक्त करत प्रतिक्रिया देत आहेत. एकानं म्हंटलंय, “स्वत:च्या मजेसाठी जन्माला घालता का?” तर आणखी एकानं, “स्वत:च्या लेकरासोबत असं कसं करु शकतात हे लोक”