Viral video: कला अशी गोष्ट आहे, जी कुठेही, कोणाकडूनही जन्म घेऊ शकते. मोठ्या मंचावरच नाही तर रस्त्यावर, गल्लीत, साध्या माणसांच्या दैनंदिन कामातही खऱ्या कलेचा प्रकाश दिसतो. वाराणसीतील सफाई कामगाराचा व्हिडीओ याचं उत्तम उदाहरण ठरतोय, कारण त्याच्या साधेपणात दडलेली कला आता संपूर्ण देशाचे लक्ष वेधून घेत आहे.
सोशल मीडियावर हा व्हिडीओ खूप व्हायरल होत आहे. तो व्हिडीओ मनाला आनंद देणारा आहे. वाराणसीमध्ये रस्ते झाडणारा एक सफाई कामगार आपल्या सुंदर आवाजाने सगळ्यांची मने जिंकत आहे. रोजच्या कामात शांतपणे झाडू मारत असतानाच तो गाणं गुणगुणायला सुरुवात करतो आणि काही वेळात मनापासून गाताना दिसतो.
त्याचा खोल आणि गोड आवाज संपूर्ण गल्लीभर घुमतो आणि त्याचा हा व्हिडीओ सोशल मीडियावर तुफान व्हायरल झाला आहे. लोक त्याला ‘आवाजाचा जादूगार’ म्हणत आहेत आणि त्याच्या आवाजाचे भरभरून कौतुक करत आहेत.
वाराणसीतील एका अरुंद गल्लीत रोज सफाई करणारा साधा कामगार आता सोशल मीडियावर स्टार बनला आहे. त्याचा एक व्हिडीओ सोशल मीडियावर तुफान व्हायरल झाला आहे. लोक त्याला ‘आवाजाचा जादूगार’ म्हणत आहेत. तो रोज शांतपणे झाडू मारत आपले काम करतो, पण त्याचा आवाज इतका छान आहे की संपूर्ण गल्लीभर त्याचे सूर ऐकू येतात.
पाहा व्हिडिओ
व्हिडीओत तो नेहमीप्रमाणे झाडू हातात घेतलेला दिसतो आणि थोड्याच वेळात झाडू बाजूला ठेवून मनापासून गाणं गाऊ लागतो. त्याचा आवाज खोल, गोड आणि अगदी सुंदर वाटतो.सोशल मीडियावर लोक त्याच्या गाण्यावर अक्षरशः फिदा झाले आहेत. अनेकांनी प्रतिक्रियांमध्ये लिहिले आहे की, “अशा आवाजाला मोठा मंच मिळायला हवा”, तर दुसऱ्याने लिहिले, “त्याला रिअ‍ॅलिटी शोमध्ये पाठवा”, तिसऱ्याने म्हटले, “खरी कला अशीच साध्या लोकांमध्ये दडलेली असते.”
@KarmakshetraTV यांनी हा व्हिडीओ शेअर करत सांगितले की, स्थानिक लोक रोज त्याला गाताना ऐकतात, पण पहिल्यांदाच कोणी त्याचा व्हिडीओ काढून अपलोड केला आणि क्षणात तो व्हायरल झाला. अनेकांनी सरकार आणि स्थानिक प्रशासनाने या कामगाराला प्रोत्साहन द्यावे, अशीही मागणी केली आहे.