स्वर्गाहून सुंदर! दूधसागर धबधब्याचे नयनरम्य दृश्य… सोशल मीडियावर VIDEO होतोय तुफान व्हायरल, एकदा पाहाच!

पाऊस म्हटलं की, अनेकांच्या चेहऱ्यावर आनंद बघायला मिळतो. पावसाळ्याच्या दिवसांत विविध धबधब्यांना भेट देण्यासाठी पर्यटक आवर्जून जातात. शिवाय या धबधब्यांचे नयनरम्य दृश्य सोशल मीडियावर व्हिडीओंच्या माध्यमातून आपल्याला पाहायला मिळते. निसर्गप्रेमींना पावसाळ्यात नद्या, समुद्र, डोंगर, धबधबे नेहमीच आकर्षिक करतातात. या दिवसात लोणावळा, महाबळेश्वर, पाचगणी, कोकण, गोवा या ठिकाणी लोक आवर्जून जातात. या ठिकाणचे अनेक धबधबे खूप प्रसिद्ध आहेत. त्यातीलच एक धबधबा म्हणजे दूधसागर धबधबा; गोव्यातील प्रसिद्ध दूधसागर धबधबा आकर्षणाचे केंद्र आहे. खरं तर हा धबधबा गोवा आणि कर्नाटकच्या सीमेवर स्थित असून तो भारतातील सर्वात उंच धबधब्यांपैकी एक आहे. सध्या या धबधब्याचा एक नयनरम्य व्हिडीओ सोशल मीडियावर व्हायरल होतोय, जो पाहून तुम्हालाही आनंद होईल.

नक्की काय पाहिलं व्हिडीओमध्ये? (Dudhsagar Waterfall Video)

या व्हायरल व्हिडीओमध्ये तुम्ही पाहू शकता, दूधसागर धबधबा येथील रेल्वे रुळावरून ट्रेन जात असून त्याक्षणी एका तरुणाने हा व्हिडीओ शूट केला आहे. यावेळी या धबधब्याचे दृश्य अगदी पाहण्यासारखे आहे. हा धबधबा पाहताच ट्रेनमधील प्रवासी आनंदाने ओरडताना दिसत आहेत, सध्या हा व्हिडीओ सोशल मीडियावर प्रचंड चर्चेत आहे. खरं तर या धबधब्यातील पाणी डोंगरावरून वेगाने पडत असल्यामुळे हा धबधबा दुधासारखा दिसतो, त्यामुळे त्याला दूधसागर असे नाव देण्यात आले आहे.

हा व्हिडीओ इन्स्टाग्रामवरील @nammakarnatakatrends या अकाउंटवर शेअर करण्यात आला असून यावर आतापर्यंत सतरा मिलियन व्ह्यूज मिळाल्या असून यावर एक मिलियनहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत.

हेही वाचा: ‘असल्या मित्राचं करायचं काय…’ भरमंडपात अचानक कॉटन कँडी घेऊन पोहोचला, पुढे जे घडलं… VIDEO पाहून माराल कपाळावर हात

पाहा व्हिडीओ:

युजर्सच्या कमेंट्स चर्चेत (Dudhsagar Waterfall Video)

एका युजरने या व्हिडीओवर लिहिलेय, “जर एखादी व्यक्ती यावेळी ट्रेनमध्ये झोपली असेल तर तिने खूप काही मिस केलंय”, तर दुसऱ्या युजरने लिहिलंय की, “व्वा, हे किती सुंदर आहे”, तिसऱ्या युजरने लिहिलेय, “दूधसागरचे दूध उकळत आहे असं वाटतंय”, तर आणखी एकाने लिहिलंय की, “दूधसागर आता दूध महासागर झाला आहे.”