Viral Video: भारतामध्ये अनेक पर्यटक भेट देण्यासाठी येतात. भारतात आल्यानंतर इथले सण-समारंभ, चित्रपट, गाणी, पदार्थ, पेहराव या सगळ्या गोष्टी परदेशातील लोकांना नेहमीच आकर्षिक करतात. आजपर्यंत तुम्ही अशा अनेक पर्यटकांचे व्हिडीओ सोशल मीडियावर पाहिले असतील, जे भारतावरील प्रेमापोटी प्रत्येकवर्षी आवर्जून भारतात येतात. शिवाय असेही अनेक परदेशी नागरिक आहेत, जे स्वतःच्या देशात राहूनही भारतातील विविध भाषेतील गाण्यांवर रील्स बनवताना दिसतात. सध्या असाच एक व्हिडीओ सोशल मीडियावर चर्चेत आला आहे, ज्यात परदेशातील तीन सोशल मीडिया स्टार मुंबईमधील रस्त्यावर डान्स करताना दिसत आहेत.
भारतातील विविध भाषांतील गाणी सोशल मीडियावर सतत चर्चेत असतात. या गाण्यांवर भारतीयच नव्हे तर परदेशातील अनेक प्रसिद्ध इन्फ्लुएन्सरदेखील डान्स करताना दिसतात. ज्यात किली पॉल, रिकी पाँड यांसारख्या इन्फ्लुएन्सरचा समावेश आहे. दरम्यान, आता अशाच एका इन्फ्लुएन्सरचा डान्स पाहायला मिळत आहे, जो पाहून नेटकरी कौतुक करताना दिसत आहेत.
या व्हायरल व्हिडीओमध्ये तुम्ही पाहू शकता, तीन परदेशातील इन्फ्लुएन्सर मुंबईतील रस्त्यावर लाल रंगाचा कुर्ता आणि पायजमा घालून एका टॅक्सीचालकाबरोबर “सोनी कितनी सोनी आज तू लगती वे” या बॉलीवूडमधील जुन्या गाण्यावर डान्स करताना दिसत आहेत. यावेळी त्यांचा डान्स आणि चेहऱ्यावरील उत्साह पाहून नेटकरीही अवाक् झाले आहेत.
पाहा व्हिडीओ:
हा व्हिडीओ इन्स्टाग्रामवरील @dennismik या अकाउंटवरून शेअर करण्यात आला आहे. या गाण्याला आतापर्यंत पाच लाखांहून अधिक व्ह्युज आणि हजारो लाइक्स मिळाल्या आहेत. तसेच यावर युजर्स अनेक कमेंट्स करतानाही दिसत आहेत. त्यावर एकाने लिहिलेय, “खतरनाक डान्स भाऊ.” दुसऱ्या एकाने कमेंटमध्ये लिहिलेय, “मस्त एक्स्प्रेशन्स आहेत.” आणखी एकाने लिहिलेय, “तुमचे मुंबईत स्वागत आहे”, तर आणखी एकाने लिहिलेय, “हा व्हिडीओ पाहून छान वाटलं.”
© IE Online Media Services (P) Ltd