दरवर्षी उन्हाळ्यात वाढणारी प्रवाशांची गर्दी लक्षात घेऊन यंदाही नागपूर-पुणे मार्गावर २६, तर नागपूर- मुंबई मार्गावर २४ समर स्पेशल रेल्वेगाडय़ा चालवण्यात येणार आहेत.
०१०२९ नागपूर- पुणे ही गाडी २८ जूनपर्यंत दर शुक्रवारी सकाळी ११ वाजता सुटून शनिवारी पहाटे ४ वाजून ५ मिनिटांनी पुण्याला पोहचेल. तर ०१०३० पुणे- नागपूर ही गाडी २९ जूनपर्यंत दर शनिवारी सकाळी ५ वाजून २० मिनिटांनी पुण्याहून सुटून त्याच रात्री १० वाजता नागपूरला पोहचेल. या गाडीला वर्धा, पुलगाव, धामणगाव, बडनेरा, अकोला, मलकापूर, भुसावळ, जळगाव, मनमाड, कोपरगाव, बेलापूर, अहमदनगर व दौंड या स्थानकांवर थांबे राहणार असून, तिला सामान्य अनारक्षित श्रेणीचे ८ आणि दोन एसएलआर असे एकूण १० डबे राहतील.
०१०१३ सीएसटी मुंबई- नागपूर ही गाडी २३ जूनपर्यंत दर रविवारी मध्यरात्री १२ वाजून २० मिनिटांनी मुंबईहून सुटून दुपारी ३ वाजता नागपूरला पोहचेल. परतीच्या प्रवासात ०१०१४ नागपूर- सीएसटी मुंबई ही गाडी रविवारी दुपारी ४ वाजून १५ मिनिटांनी नागपूरहून सुटून सोमवारी सकाळी ८ वाजून १५ मिनिटांनी मुंबईला पोहचेल. या गाडीला वर्धा, पुलगाव, धामणगाव, बडनेरा, अकोला, मलकापूर, भुसावळ, जळगाव, मनमाड, नाशिक रोड, इगतपुरी, कल्याण, ठाणे व दादर या स्थानकांवर थांबे राहणार आहेत. ही गाडी एसी टू टियर-कम- थ्री टियरचा १, एसी टू टियरचा १, एसी थ्री टियरचे २, शयनयान श्रेणीचे १२, सामान्य अनारक्षित श्रेणीचे ५ आणि दोन एसएलआर अशा एकूण २३ डब्यांसह धावेल.