“उद्धव ठाकरेंचा घात करू शकतात ‘ही’ माणसं, जून २०२४ मध्ये..”, ज्योतिषतज्ज्ञांची मोठी भविष्यवाणी, लवकरच..

२०२४ मध्ये ‘या’ महिन्यात शिवसेनेचा प्रभाव परत वाढणार

शिवसेनेचा जन्मच मुळात अमावास्येचा, त्यातही रवीचंद्र ग्रहणयोग पंचमी स्थानी असताना तसेच पराक्रमाचा स्वामी दशमेश मंगळ चतुर्थात राहूसह एकत्र असल्याने शिवसेनेचा प्रवास ज्वलंत, निर्भिड व गनिमी काव्याने शत्रूचे नामोहरम करण्याने सुरु झाला. मंगळ, राहू, शनी अशा खडतर महादशांमधून प्रवास केल्यावर आता पक्षाच्या कुंडलीत बुधाची महादशा सुरु होत आहे. या महादशेत निश्चितच शिवसेनेचा प्रभाव पूर्ववत होऊन पुन्हा नव्या जोमाने वाटचाल सुरु होईल. साधारण जून २०२४ मध्येच या साऱ्या गोष्टी दिसू लागतील.

उद्धव ठाकरेंचा घात ‘ही’ माणसंच करू शकतात

उद्धव ठाकरे यांच्या कुंडलीत नवमात मंगळ, षष्टात केतू, दशमात बुध व लाभ स्थानात रवी हे ग्रह राजकीय स्थितीसाठी अत्यंत मदतीचे ठरतील. चतुर्थात स्वराशीतील गुरु व दशमातील मिथुन राशीतील बुध २०२४ नंतर खऱ्या अर्थाने गतिमान होऊन शिवसेनेचे वर्चस्व वाढीस लागेल. २०२४ लोकसभेतही उमेदवार यशस्वी होतील. यावेळी स्वतःच्या विचाराने पुढे जाणे खूप महत्त्वाचे असेल. अगदी जवळ येणारी माणसे काही वेळा घातक ठरू शकतात त्यामुळे अंतर राखून त्यांच्याकडून कामे करून घ्यावीत.

हे ही वाचा<< PM Modi Astrology : देशात येणारी मंदी मोदींच्या अडचणी वाढवणार? काय सांगते मोदींची कुंडली?

एकनाथ शिंदेंना ‘ती’ पावती मिळणार का?

मुख्यमंत्री एकनाथ शिंदे यांच्या कुंडलीत आलेल्या शुभ ग्रहांनी त्यांना अचानक मुख्यमंत्रीपद मिळवून दिले. पण आता त्यांच्या राशीत आलेल्या कुंभ राशीतील शनी- मंगळ युतीचा २३ एप्रिल २०२४ पर्यंत त्रास होणार आहे. साऱ्या समस्या सोडवताना, अनेकांची समजूत घालताना महायुतीतील अनेकांचे प्रवेश हे ग्रहांइतकेच त्रासदायक असतील. आपल्या आधीच्या पक्षातील लोकांच्या विरोधात उभे राहून यश मिळवणे हे इतके सोपे नाही. खासदार म्हणून हे नेते जेव्हा मतदारांच्या पुन्हा संपर्कात येतात तेव्हा त्यांनी केलेल्या बऱ्या वाईट कामाची पावती ही मतदार देणार असतो. पक्षप्रमुख म्हणून ही जबाबदारी स्वीकारताना या त्रासातून जाण्याची तयारी वेगळी करावी लागते. आता राहूच्या महादशेत शुक्राची अंतर्दशा संमिश्र फळ देईल पण राजकारणातील वर्चस्व कायम राखण्यास शिंदे यशस्वी ठरतील.