Gold silver Rate Today : ‘व्हॅलेंटाईन वीक’ सुरू होताच सोनं महागलं; खरेदी करण्यापूर्वी जाणून घ्या आजचा दर

आज १० ग्रॅम २४ कॅरेट सोन्याचा दर ८४,७८० रुपये तर चांदीचा दर ९६,१७० रुपये किलो आहे. तुम्ही जर सोने चांदी खरेदी करण्याचा विचार करत असाल तर तर आजचा तुमच्या शहरातील सोने चांदीचा दर कसा आहे, जाणून घेऊ या.

सोने चांदीचे दर

बुलियन मार्केटनुसार, आज २२ कॅरेटसाठी १० ग्रॅम सोन्याची किंमत ७७,७१५ रुपये आहे तर २४ कॅरेटसाठी ८४,७८० रुपये आहे. याशिवाय, १० ग्रॅम चांदीची किंमत ९६२ रुपये आहे म्हणजेच चांदी ९६,१७० रुपये प्रति किलोनी विकली जात आहे.

बुलियन मार्केट वेबसाईटनुसार पाहा तुमच्या शहरातील सोन्याचा दर

(वरील सोन्याचे दर सूचक आहेत आणि त्यात जीएसटी, टीसीएस आणि इतर करांचा समावेश नाही. अचूक दरांसाठी तुमच्या स्थानिक ज्वेलरशी संपर्क साधा.)

एका महिन्यापूर्वी १० ग्रॅम २४ कॅरेटसाठी सोन्याचा दर ७८,००० रुपये होता तर चांदीचा तर ९१,०६० रुपये होता. तसेच, एका आठवड्यापूर्वी २४ कॅरेटसाठी १० ग्रॅम सोन्याचा दर ८२, ३१० रुपये होता तर चांदीचा दर ९४,२६० रुपये होता.

२२ आणि २४ कॅरेटमध्ये काय फरक आहे?

२४ कॅरेट सोने ९९.९% शुद्ध आहे आणि २२ कॅरेट अंदाजे ९१% शुद्ध असतं. २२ कॅरेट सोन्यात तांबे, चांदी, जस्त यांसारख्या ९% इतर धातूंचे मिश्रण करून दागिने तयार केले जातात. २४ कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार २२ कॅरेटमध्ये सोने विकतात.