मध्य प्रदेशच्या मुख्यमंत्रीपदाची शपथ घेतल्यानंतर अवघ्या दोनच तासांत कमलनाथ यांनी राज्यातील शेतकऱ्यांच्या कर्जमाफीची ऐतिहासिक घोषणा केली. अधिकार प्राप्त झाल्यानंतर शेतकऱ्यांच्या कर्जमाफीच्या फाईल्सवर त्यांनी सोमवारी सह्या केल्या. तसेच राज्यात गोशाळा निर्माण करण्याच्या फाईलवरही त्यांनी सही केल्याचे वृत्त काही माध्यमांनी दिले आहे. त्यामुळे निवडणूकीपूर्वी दिलेले आश्वासन त्यांनी तंतोतंत पाळल्याची चर्चा आहे.
https://twitter.com/ANI/status/1074624016466489345
कमलनाथ यांच्या मुख्यमंत्रीपदाच्या शपथविधी कार्यक्रमाला काँग्रेस अध्यक्ष राहुल गांधी, माजी पंतप्रधान मनमोहन सिंग, काँग्रेसचे महासचिव मल्लिकार्जुन खर्गे, राजस्थानचे मुख्यमंत्री अशोक गेहलोत, उपमुख्यमंत्री सचिन पायलट, खासदार ज्योतिरादित्य शिंदे, कर्नाटकचे माजी मुख्यमंत्री सिद्धरामय्या आणि पंजाबचे कॅबिनेट मंत्री नवज्योतसिंग सिद्धू उपस्थित होते.