Opposition alliance Congress Nitish Kumar statement LokDal meeting unity against BJP ysh 95 | Loksatta

काँग्रेस, डाव्यांसह विरोधकांची आघाडी ही काळाची गरज; नितीश कुमार यांचे लोकदलाच्या सभेत प्रतिपादन, भाजपविरोधी एकीचे दर्शन 

भाजपला अंगावर घ्यायचे असेल तर काँग्रेस आणि डाव्या पक्षांसह विरोधकांची संयुक्त आघाडी उभारणे ही काळाची गरज आहे, असे बिहारचे मुख्यमंत्री नितीश कुमार यांनी रविवारी स्पष्ट केले.

काँग्रेस, डाव्यांसह विरोधकांची आघाडी ही काळाची गरज; नितीश कुमार यांचे लोकदलाच्या सभेत प्रतिपादन, भाजपविरोधी एकीचे दर्शन 
काँग्रेस, डाव्यांसह विरोधकांची आघाडी ही काळाची गरज; नितीश कुमार यांचे लोकदलाच्या सभेत प्रतिपादन, भाजपविरोधी एकीचे दर्शन 

पीटीआय, फतेहबाद (हरियाणा) : भाजपला अंगावर घ्यायचे असेल तर काँग्रेस आणि डाव्या पक्षांसह विरोधकांची संयुक्त आघाडी उभारणे ही काळाची गरज आहे, असे बिहारचे मुख्यमंत्री नितीश कुमार यांनी रविवारी स्पष्ट केले. भारतीय राष्ट्रीय लोकदलाच्या (आयएनडीएल) सभेमध्ये ते बोलत होते. या सभेच्या निमित्ताने पुन्हा एकदा भाजपविरोधी एकीचे दर्शन घडवण्यात आले.

दिवंगत उपपंतप्रधान देवीलाल यांच्या जयंतीनिमित्त त्यांचे पुत्र आणि आयएनडीएलचे नेते ओमप्रकाश चौताला यांनी ही सभा बोलावली होती. या वेळी नितीश कुमारांसह राष्ट्रवादीचे अध्यक्ष शरद पवार, अकाली दलाचे सुखबीरसिंग बादल, माकपचे सीताराम येच्युरी, बिहारचे उपमुख्यमंत्री तेजस्वी यादव, शिवसेनेचे अरिवद सावंत आदी नेते व्यासपीठावर उपस्थित होते. मात्र काँग्रेसचा एकही नेता सभेत दिसला नाही.

‘‘भाजपविरोधात सर्व पक्ष एकत्र आले तर देशाचे नुकसान करणाऱ्यांना दूर केले जाऊ शकते. राजकीय फायद्यासाठी हिंदू-मुस्लिमांमध्ये दरी निर्माण केली जात आहे. तिसरी आघाडी न करता सर्व विरोधी पक्षांनी एकत्र येणे ही काळाची गरज आहे. तसे झाल्यास आपण सहज विजयी होऊ शकतो,’’ असे नितीश कुमार म्हणाले. सभास्थळी पत्रकारांशी बोलताना पंतप्रधानपदाच्या शर्यतीत नसल्याचेही त्यांनी स्पष्ट केले.

शरद पवार यांचे एकीचे आवाहन

राष्ट्रवादी काँग्रेसचे अध्यक्ष शरद पवार यावेळी म्हणाले की, २०२४मध्ये केंद्रामध्ये सत्ताबदल घडावा यासाठी सर्वानी एकत्रित काम करण्याची वेळ आली आहे. दिल्लीच्या सीमांवर शेतकऱ्यांनी आंदोलन केले. मात्र बराच काळ सरकारने त्यांच्या मागण्यांकडे दुर्लक्ष केले.

नितीश-सोनिया भेट

हरियाणातील सभेनंतर लगेचच नितीश कुमार यांनी दिल्लीत जाऊन काँग्रेस अध्यक्षा सोनिया गांधींची भेट घेतली. नितीश कुमारांनी भाजपशी काडीमोड घेतल्यानंतर सोनियांसोबत ही पहिलीच भेट होती. राजदचे ज्येष्ठ नेते लालूप्रसाद यादवही यावेळी उपस्थित होते. काँग्रेस अध्यक्ष निवडीनंतर आपण पुन्हा भेटू, असे आश्वासन सोनियांनी दिले. या घडामोडींमुळे काँग्रेससह विरोधी आघाडीच्या प्रयत्नांना अधिक जोर आल्याचे मानले जाते.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पंजाब विधानसभेच्या अधिवेशनास अखेर राज्यपालांचा होकार

संबंधित बातम्या

शशी थरूर यांना थेट राष्ट्रवादीकडून ऑफर, म्हणाले “पक्षात येण्याची… “
धक्कादायक: प्रेषित म्हणवणाऱ्या या गृहस्थाला २० पत्नी; आपल्याच कोवळ्या मुलीशीही केला विवाह
लालूप्रसाद यादव यांच्यावर आज सिंगापूरमध्ये शस्त्रक्रिया, मुलगी देणार किडनी; शेअर केला रुग्णालयातील फोटो
Suresh Abdul Video : खान सरांचा जुना व्हिडीओ व्हायरल; कडक कारवाईची काँग्रेसची मागणी
“जाहिरातीत सांगितल्यापेक्षा गाडी कमी मायलेज देते”, ग्राहकाची कोर्टात याचिका, निकाल देताना कोर्टानं संगितलं…!

व्हिडिओ

ताज्या बातम्या
पुणे : सदनिकेत प्लंबिंग काम करताना विजेच्या धक्क्याने कामगाराचा मृत्यू ; वारजे भागातील घटना
“२००३ ला मी ऑडिशन…” सिद्धार्थ जाधवने सांगितला ‘तुंबाड’ चित्रपटाबद्दलचा ‘तो’ किस्सा
धक्कादायक: प्रेषित म्हणवणाऱ्या या गृहस्थाला २० पत्नी; आपल्याच कोवळ्या मुलीशीही केला विवाह
शशी थरूर यांना थेट राष्ट्रवादीकडून ऑफर, म्हणाले “पक्षात येण्याची… “
Video: पारंपरिक थाट, शाही सोहळा अन् समुद्रकिनारा; अभिनेत्याचा वेडिंग व्हिडीओ ठरतोय चर्चेचा विषय