Pahari, Gujjar and Bakarwal will get reservation from Scheduled Tribe quota soon home minister amit shah announced in jammu and kashmir | Loksatta

पहाडी, गुज्जर, बकरवाल समाजाला लवकरच आरक्षण; गृहमंत्री अमित शाहांची जम्मू काश्मीरात घोषणा

आरक्षणाचा वापर करून भाजपाकडून समाजांमध्ये फूट पाडण्याचे काम केले जात असल्याचा आरोप पीडीपीच्या प्रमुख मेहबुबा मुफ्ती यांनी केला आहे

पहाडी, गुज्जर, बकरवाल समाजाला लवकरच आरक्षण; गृहमंत्री अमित शाहांची जम्मू काश्मीरात घोषणा

जम्मू काश्मीरातील पहाडी समाज, गुज्जर आणि बकरवाल समाजाला अनुसूचित जमातीमधून (एसटी) शिक्षण आणि नोकरीमध्ये आरक्षण दिले जाईल, अशी घोषणा केंद्रीय गृहमंत्री अमित शाह यांनी केली आहे. पहाडी समाजाला अनुसूचित जातीचा दर्जा मिळाल्यास एका भाषिक गटाला आरक्षण देण्याची ही पहिलीच वेळ असणार आहे. यासाठी केंद्र सरकारला संसदेत आरक्षण कायद्यात सुधारणा करावी लागणार आहे. दरम्यान, आरक्षणाचा वापर करून भाजपाकडून समाजांमध्ये फूट पाडण्याचे काम केले जात असल्याचा आरोप पीडीपीच्या प्रमुख मेहबुबा मुफ्ती यांनी केला आहे.

अमित शाहांच्या दौऱ्यापूर्वी जम्मूत इंटरनेट सेवा स्थगित, बड्या पोलीस अधिकाऱ्याच्या हत्येनंतर निर्णय

“गुज्जर, बकरवाल आणि पहाडी समाजाच्या आरक्षणासाठी आयोगाचा अहवाल प्राप्त झाला आहे. हे आरक्षण या समाजांना लवकरच देण्यात येईल”, असे आश्वासन जम्मू काश्मीरातील राजौरीमधील सभेत बोलताना शाह यांनी दिले आहे. जम्मू काश्मीरातून कलम ३७० हटवल्यानंतरच हे आरक्षण देणे शक्य होत आहे. यामुळे अल्पसंख्याक, दलित, आदिवासी आणि पहाडी समाजाला त्यांचे हक्क मिळणार आहेत, असे शाह यांनी म्हटले आहे. ५ ऑगस्ट २०१९ मध्ये कलम ३५ (अ) आणि ३७० हटवल्यानंतर काश्मीरचा विशेष राज्याचा दर्जा काढून घेण्यात आला आहे. यामुळे जम्मू काश्मीरला स्वायत्तता मिळाली असून त्याबाबत येथील जनतेने पंतप्रधान नरेंद्र मोदींचे आभार मानायला हवेत, असे गृहमंत्री या सभेत म्हणाले आहेत.

J-K DG Death: जम्मू काश्मीरचे कारागृह महासंचालक हेमंत लोहिया यांचा संशयास्पद मृत्यू, हत्या झाल्याचा पोलिसांना संशय

जम्मू काश्मीरवर अधिकार गाजवणाऱ्या तीन कुटुंबियांच्या तावडीतून या राज्याची सुटका करा, असे आवाहन शाह यांनी काश्मीरी जनतेला केले आहे. शाह यांनी या सभेत अप्रत्यक्षपणे मेहबुबा मुफ्ती आणि फारुख अब्दुल्ला यांच्यावर निशाणा साधला आहे. केंद्र सरकारकडून पाठवण्यात येणारा पैसा पूर्वी काही जणांकडून हडपला जायचा, असा आरोप शाह यांनी केला आहे. आता हा पैसा लोक कल्याणासाठी खर्च होत असल्याचे त्यांनी म्हटले आहे. मोदी सरकारने दहशतवाद्यांविरोधात केलेल्या कारवाईनंतर जम्मू काश्मीरातील परिस्थिती सुधारली असल्याचा दावा गृहमंत्र्यांनी केला आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
आधी ‘हनुमान’, नंतर ‘रावण’; नाटक सुरू असताना दोन दिवसात दोघांचा स्टेजवरच मृत्यू

संबंधित बातम्या

‘I Have Got News’, श्रद्धाचं शेवटचं चॅट आलं समोर, मृत्यूच्या काही तास आधीच मित्राला पाठवला होता मेसेज
“एवढं वाटतं तर केंद्राकडे फाईल पाठवूच नका, तुमचं तुम्हीच…”, न्यायाधीश नियुक्तीवरून केंद्रीय मंत्री आक्रमक; ‘कॉलेजियम’वर टीकास्र!
VIDEO: पदयात्रेतून ब्रेक घेत राहुल गांधींनी चालवली बाईक, ‘भारत जोडो’ यात्रेत दिसला खास अंदाज
पाकिस्तानमध्ये राजकीय भूकंप, इम्रान खान यांच्या पक्षाचे सर्व मुख्यमंत्री, आमदार, खासदार राजीनामा देणार!
रामदेव बाबांच्या ‘त्या’ वक्तव्यावरुन महुआ मोईत्रांची खोचक टीका; म्हणाल्या, “आता मला कळलं तुम्ही त्यावेळी महिलेच्या…”

व्हिडिओ

ताज्या बातम्या
प्रेमभंग झाल्यानंतरचा अनुभव शेअर करताना नोरा फतेहीला अश्रू अनावर; म्हणाली, “त्यावेळी मी…”
“मी कुठेतरी वाचलंय, रेडा हे…”, उदय सामंत यांचा उद्धव ठाकरेंना टोला; म्हणाले, “पाच महिन्यांपूर्वी आम्ही वाघ होतो!”
IND vs NZ 2nd ODI: सामना न खेळताच संजू सॅमसनने जिंकली चाहत्यांची मने, पाहा व्हिडिओ
“…त्यामुळेच मिळाली एका राजाला राणी” मेघा घाडगेचा नववधूच्या लूकमधील फोटो व्हायरल, चाहते करताहेत अभिनंदन
केंद्रीय व्यापार संघटनांचा अर्थमंत्र्यांच्या ऑनलाईन बैठकीवर बहिष्कार, ‘या’ मागण्या करत धोरणांवर चर्चेसाठी दिलं खुलं आव्हान