rajsthan congress criris rajsthan mlas of gehlot camp resign against sachin pilot cm ssa 97 | Loksatta

पायलटांच्या विमान उड्डाणाला गेहलोतांकडून रेड सिग्नल; राजस्थानात राजकारण तापले

Ashok Gehlot Vs Sachin Pilot : सचिन पायलट यांना मुख्यमंत्री करण्यास काँग्रेस आमदारांनी विरोध दर्शवला आहे.

पायलटांच्या विमान उड्डाणाला गेहलोतांकडून रेड सिग्नल; राजस्थानात राजकारण तापले
सचिन पायलट अशोक गेहलोत ( संग्रहित फोटो )

देशात काँग्रेस अध्यपदाच्या निवडणुकीला वेग आला आहे. राजस्थानचे मुख्यमंत्री अशोक गेहलोत निवडणुकीसाठी रिंगणात उतरणार आहे. मात्र, अशोक गेहलोत यांना मुख्यमंत्रीपद सोडावे लागणार आहे. त्यामुळे मुख्यमंत्रीपदाची माळ सचिन पायलट यांच्या गळ्यात पडण्याची शक्यता आहे. त्यात आता गेलहोत यांच्या जवळच्या आमदारांनी राजीनामा देण्याची धमकी दिली आहे. त्यामुळे काँग्रेस समोर नवा राजकीय पेच निर्माण झाला आहे.

मुख्यमंत्री गेहलोत यांच्या निवासस्थानी काँग्रेस आमदारांची बैठक होणार होती. या बैठकीत नव्या मुख्यमंत्र्याच्या नावावर चर्चा केली जाणार होती. यासाठी काँग्रेस अध्यक्षांनी काँग्रेस नेते मल्लिकार्जुन खर्गे आणि अजय माकन यांना निरीक्षक आणि प्रभारी म्हणून पाठवलं आहे.

९२ आमदारांचा राजीनामा देण्याचा इशारा

मात्र, या बैठकीपूर्वी गेहलोत गटाच्या काँग्रेस आमदारांची एक बैठक पार पडली. या बैठकीत सचिन पायलट यांच्या नावाला विरोध दर्शवला आहे. तसेच, अशोक गेहलोत हेच मुख्यमंत्री रहावे, अशी काँग्रेस आमदारांची इच्छा आहे. अथवा गेहलोत गटातील व्यक्तीला मुख्यमंत्री करावे, अशी आमदारांची मागणी आहे. अन्यथा ९२ आमदारांनी राजीनामा देण्याचा इशारा दिला आहे. याबाबत त्यांनी विधानसभा अध्यक्ष सी. पी. जोशी यांची भेटही घेतली आहे.

हेही वाचा – “आपण आत्महत्या करायची नाही, पण…” भाजपावर टीका करताना शरद पवारांचं विधान

“अशोक गेहलोत कसे निर्णय घेऊ शकतात”

याबाबत अधिक माहिती देताना काँग्रेस नेते प्रताप सिंग खाचरियावास यांनी ‘एएनआय’ वृत्तसंस्थेला सांगितलं की, सर्व आमदार संतापले असून ते राजीनामा देणार आहेत. आम्ही विधानसभा सभापतीच्या घरी जात आहोत. कोणतीही चर्चा न करता मुख्यमंत्री अशोक गेहलोत स्वत: निर्णय कसे काय घेऊ शकतात, यामुळे सर्व आमदार नाराज आहेत.

हेही वाचा – ‘भारत विकसनशील देशांचा प्रातिनिधिक आवाज’; परराष्ट्रमंत्री जयशंकर यांचे मत

आमदारांशी चर्चा करण्याचे सोनिया गांधींचे निर्देश

सूत्रांनी दिलेल्या माहितीनुसार, काँग्रेसचे नेते के. सी. वेणुगोपाल यांनी अशोक गेहलोत यांच्याशी दूरध्वनीवरून संवाद साधत परिस्थिती हातळण्याची विनंती केली. त्यावर आमदार ऐकण्याच्या मनस्थितीत नाहीत, असे गेहलोत यांच्याकडून सांगण्यात आलं. तर, दुसरीकडे काँग्रेसच्या अध्यक्षा सोनिया गांधी यांनी आमदारांशी चर्चा करण्याचे निर्देश मल्लिकार्जुन खर्गे आणि अजय माकन यांना दिले आहेत.

दरम्यान, राजस्थानमध्ये काँग्रेसचे १०७ आमदार आहे. यामधील ९२ आमदारांनी राजीनामा देण्याची तयारी दर्शवली आहे. तर, सचिन पायलट यांच्या समर्थनार्थ केवळ १० आमदार असल्याची चर्चा आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
उत्तराखंडमध्ये नागरिक रस्त्यावर; अंकिताच्या खुन्यांना तात्काळ फाशी देण्याची मागणी

संबंधित बातम्या

Delhi MCD Election Result : अनेक मंत्री- सहा मुख्यमंत्र्यांसह कार्यकर्त्यांची फौज उतरवूनही दिल्लीत भाजप पराभूत
Delhi MCD Election Result : दिल्ली महापालिका निवडणुकीतील ‘आप’च्या विजयावर मुख्यमंत्री भगवंत मान यांची प्रतिक्रिया, म्हणाले…
“…हे अजिबात चालणार नाही”, सीमाप्रश्नावरून सुप्रिया सुळेंनी भर सभागृहात भाजपाला सुनावलं; लोकसभेत खडाजंगी!
‘हजर होऊन माफी मागा’, कोर्टाने विवेक अग्निहोत्रींना फटकारल्यानंतर काँग्रेस नेत्याचा टोला; म्हणाल्या “आता माफी फाइल्स….”
“केजरीवालांना हलक्यात घेऊ नका, अन्यथा….”, योगगुरु बाबा रामदेव यांचा भाजपाला सल्ला

व्हिडिओ

ताज्या बातम्या
मुंबईचा कायापालट करा, मुख्यमंत्री एकनाथ शिंदेंचे अधिकाऱ्यांना निर्देश
हार्दिकशी लग्नगाठ बांधल्यानंतर अक्षया भावूक; लग्नाची तारीख कोरलेल्या नखांचा फोटो शेअर करत म्हणली…
Video: “तुम्हाला आरक्षणाच्या माध्यमातून…”; सुनावणीदरम्यान हायकोर्टातील न्यायमूर्तींचा सरकारी अधिकाऱ्याला अजब प्रश्न
IND vs BAN 2nd ODI: मेहदी हसनच्या नाबाद शतकाच्या जोरावर, बांगलादेशचे भारताला २७२ धावांचे लक्ष्य
युरिक ऍसिडचा त्रास झटक्यात कमी करा; काजू बदमासह ‘हे’ पाच नट्स करतील अमृतासमान काम