Exit Poll 2024 Date and Time: लोकसभा निवडणूक १९ एप्रिल पासून सुरु झाली होती. आज (१ जून) लोकसभा निवडणुकीचा सातवा आणि अखेरचा टप्पा संपतो आहे. २०२४ च्या निवडणुकीत भाजपाने ४०० पारचा नारा दिला आहे. एनडीएसह आम्ही ४०० पेक्षा जास्त जागा जिंकणार आहोत असं भाजपाने म्हटलं आहे. तर दुसरीकडे काँग्रेसने इंडिया आघाडीसह विजयाचा दावा केला आहे. आम्हाला निर्णयाक बहुमत मिळेल असं म्हटलं आहे. हे चित्र ४ जून रोजी स्पष्ट होणार आहे. मात्र एक्झिट पोल्स हे निकालाचा अंदाज वर्तवत असतात. त्यामुळे ते महत्त्वाचे मानले जातात. आज संध्याकाळी ६.३० पासून हे एक्झिट पोल्स सुरु होतील. ४ जूनच्या दिवशी लागणार लोकसभेचा निकाल लोकसभा निवडणुकीच्या आधी काँग्रेसने प्रमुख विरोधी पक्षांसह इंडिया आघाडी स्थापली आहे. इंडिया आघाडी विरुद्ध एनडीए असा सामना लोकसभेला झाला आहे. या सामन्याचा निकाल ४ जून रोजी लागणार आहे. कारण ४ जून रोजी मतमोजणी होणार आहे. या मतमोजणीत भाजपाला सत्ता राखण्यात यश मिळणार का? की काँग्रेस बाजी मारणार या आणि अशा अनेक प्रश्नांची उत्तरं मिळणार आहेत. अशातच आणखी एक चर्चा लोकांमध्ये होते आहे आणि ती आहे एक्झिट पोलची. निकालपूर्व अंदाज अर्थात एक्झिट पोल कधी वर्तवले जातील हे आम्ही तुम्हाला या बातमीच्या माध्यमातून सांगत आहोत. लोकसभा निवडणुकीचे एक्झिट पोल कधी होणार? लोकसभा निवडणुकीचा सातवा टप्पा शनिवारी संध्याकाळी ६ वाजता संपणार आहे. त्यानंतर अर्ध्या तासाने म्हणजेच ६.३० वाजल्यापासून विविध वाहिन्यांवर एक्झिट पोल सुरु होतील. एक्झिट पोल हा निकालाचा अंदाज असतो. १ जूनच्या संध्याकाळी ६.३० पासून एक्झिट पोल सुरु होतील. हे पण वाचा- विश्लेषण: पंतप्रधान मोदी म्हणाले त्याप्रमाणे ‘गांधी’ चित्रपटापूर्वी महात्मा गांधी जगासाठी खरंच अज्ञात होते का? एक्झिट पोल सुरु करण्याची वेळ संध्याकाळी ६.३० चीच का? एक्झिट पोल मतदान संपल्यानंतर ३० मिनिटांनी सुरु होईल याचं कारण निवडणूक आयोग मतदान सुरु असताना एक्झिट पोलची संमती देत नाही. २०१९ चे एक्झिट पोल काय होते? इंडिया टुडे-अॅक्सिस माय इंडियाचा एक्झिट पोल काय होता? भाजपा+ ३३९ ते ३६५ जागांचा अंदाजकाँग्रेस + ७७ ते १०८ जागांचा अंदाजसपा-बसपा - १० ते १६ जागांचा अंदाजइतर - ५९ ते ७० जागांचा अंदाज इंडिया टुडे-ई चुनावचा एक्झिट पोल काय होता? भाजपा+ ३०६ जागांचा अंदाजकाँग्रेस + ११२ जागांचा अंदाजसपा आणि बसपा - १३ जागांचा अंदाजइतर - ९२ जागांचा अंदाज हे पण वाचा- जयराम रमेश यांचा दावा, “४ जूनला आम्हाला स्पष्ट बहुमत मिळणार आणि पंतप्रधानपदी..” टाइम्स नाऊ व्हिएमआर यांचा एक्झिट पोल काय होता? भाजपा+ ३०६ जागांचा अंदाजकाँग्रेस + १३२ जागांचा अंदाजसपा बसपा- २० जागांचा अंदाजइतर - ८४ जागांचा अंदाज सी व्होटर्सच्या एक्झिट पोलने काय म्हटलं होतं? भाजपा+ २८७ जागांचा अंदाजकाँग्रेस+ १२८ जागांचा अंदाजसपा बसपा- ४० जागांचा अंदाजइतर - ८७ जागांचा अंदाज एबीपी नेल्सनचा एक्झिट पोल काय होता? भाजपा+ २७७ जागांचा अंदाजकाँग्रेस+ १३० जागांचा अंदाजसपा बसपा- ४५ जागांचा अंदाजइतर - ९० जागांचा अंदाज २०१९ चा निवडणूक निकाल काय होता? २०१९ च्या निवडणूक निकालांमध्ये भाजपाने ३०३ तर एनडीएसह एकूण ३५३ जागा जिंकल्या होत्या. तर काँग्रेस आणि त्यांच्या बरोबर आघाडी केलेल्या पक्षांना ९१ जागा मिळाल्या होत्या. तर इतर पक्षांना एकूण ९८ जागा मिळाल्या होत्या. आता यावेळी नेमकं काय होतं ते पाहणं महत्त्वाचं असणार आहे. तसंच एक्झिट पोल्सकडेही लक्ष असणार आहे.
