IND vs AUS 1st T20 Highlights: भारताने ऑस्ट्रेलियाचा दोन गडी राखून उडवला धुव्वा, इशान-सूर्यकुमारने झळकावली अर्धशतकं

विशाखापट्टणम म्हणजेच विझागची खेळपट्टी फलंदाजांसाठी फायदेशीर असल्याचे मानली जाते, परंतु या खेळपट्टीवर झालेल्या तीन टी-२० सामन्यांवर जर नजर टाकली तर आतापर्यंत या फॉरमॅटमध्ये गोलंदाजांचे वर्चस्व राहिले आहे. २०१६ मध्ये येथे खेळल्या गेलेल्या पहिल्या टी-२० मध्ये श्रीलंकेचा संघ अवघ्या ८२ धावांत सर्वबाद झाला आणि भारताने हा सामना सहज जिंकला. या सामन्यात भारतीय फिरकीपटूंनी ७ विकेट्स घेतल्या होत्या. दुसऱ्या सामन्यात भारतीय संघ ऑस्ट्रेलियाविरुद्ध केवळ १२६ धावा करू शकला आणि अखेरच्या चेंडूवर ऑस्ट्रेलियाने विजय मिळवला. या सामन्यात वेगवान गोलंदाज आणि फिरकीपटूंना समान मदत मिळाली आहे. मात्र, भारत आणि दक्षिण आफ्रिका यांच्यात खेळल्या गेलेल्या तिसऱ्या टी-२० मध्ये भारताने प्रथम फलंदाजी करताना १७९ धावा केल्या आणि भारतीय गोलंदाजांनी आफ्रिकेच्या फलंदाजांना १३१ धावांत गुंडाळले.

भारत : सूर्यकुमार यादव (कर्णधार), ऋतुराज गायकवाड (उपकर्णधार), इशान किशन, यशस्वी जैस्वाल, तिलक वर्मा, रिंकू सिंग, जितेश शर्मा (यष्टीरक्षक), वॉशिंग्टन सुंदर, अक्षर पटेल, शिवम दुबे, रवी बिश्नोई, अर्शदीप सिंग, प्रसिध कृष्णा, आवेश खान, मुकेश कुमार.

ऑस्ट्रेलिया : मॅथ्यू वेड (कर्णधार), अॅरॉन हार्डी, जेसन बेहरेनडॉर्फ, शॉन अॅबॉट, टीम डेव्हिड, नॅथन एलिस, ट्रॅव्हिस हेड, जोश इंग्लिस, ग्लेन मॅक्सवेल, तन्वीर संघा, मॅट शॉर्ट, स्टीव्ह स्मिथ, मार्कस स्टॉइनिस, केन रिचर्डसन, अॅडम झम्पा.

नुकतेच एकदिवसीय विश्वचषक स्पर्धेच्या अंतिम फेरीत ऑस्ट्रेलियाविरुद्ध पराभवाचा सामना करावा लागलेला भारतीय संघ गुरुवारपासून ऑस्ट्रेलियाविरुद्ध पाच सामन्यांची टी-२० मालिका खेळणार आहे. विशाखापट्टणम येथे होणारा पहिला सामना संध्याकाळी ७ वाजता सुरू होईल, तर नाणेफेक त्याच्या अर्धा तास आधी म्हणजेच संध्याकाळी ६.३० वाजता होईल.