IND vs SA: टीम इंडियाचा सलग आठवा विजय! किंग कोहलीचे शतक अन् भारताच्या गोलंदाजीपुढे दक्षिण आफ्रिकेचे सपशेल लोटांगण

भारत आणि दक्षिण आफ्रिकेचे संघ ईडन गार्डन्सवर पोहोचले आहेत. खेळाडूंनी वॉर्मअप सुरू केले आहे. यावर्षी भारताने एकदिवसीय सामन्यांपैकी ८३ टक्के सामने प्रथम फलंदाजी करून जिंकले आहेत, तर ८० टक्के सामने पाठलाग करून जिंकले आहेत. त्याचबरोबर या विश्वचषकात दक्षिण आफ्रिकेने प्रथम फलंदाजी करत पाचपैकी पाच सामने जिंकले आहेत. त्यामुळे आजच्या सामन्यात डावांचा पाठलाग करताना ते सामना जिंकतात का, हे पाहणे उत्सुकतेचे ठरणार आहे.

भारताचा कर्णधार रोहित शर्माने कोलकत्यामधील ईडन गार्डन्स स्टेडियममध्ये नाणेफेक जिंकून प्रथम फलंदाजी करण्याचा निर्णय घेतला आहे. दक्षिण आफ्रिका या सामन्यात धावांचा पाठलाग करणार आहे. टीम इंडियाने आजच्या सामन्यात कोणताही बदल केला नाही.

विश्वचषकात दोन्ही संघ पाच वेळा आमनेसामने आले आहेत. त्यापैकी भारताने दोन आणि दक्षिण आफ्रिकेने तीन सामने जिंकले आहेत. त्यामुळे आजचा सामना जिंकून टीम इंडिया बरोबरी साधण्याचा प्रयत्न करेल.

टॉम लॅथम १४०* नेदरलँड्स ०२/०४/२०२२

रॉस टेलर १३१* पाकिस्तान ०८/०३/२०११

सनथ जयसूर्या १३० बांगलादेश ३०/०६/२००८

मिचेल मार्श १२१ पाकिस्तान २०/१०/२०२३

सचिन तेंडुलकर १३४ ऑस्ट्रेलिया २४/०४/१९९८

विनोद कांबळी १००* इंग्लंड १८/०१/१९९३

या विश्वचषकात आतापर्यंत विराटने ८५, ५५*, १६, १०३*, ९५, ० आणि ८८ अशा खेळी केल्या आहेत. जर त्याने आज शतक केले तर तो एकदिवसीय क्रिकेटमध्ये त्याच्या वाढदिवशी शतक ठोकणारा सातवा खेळाडू ठरेल. टॉम लॅथम, रॉस टेलर, सनथ जयसूर्या, मिचेल मार्श, सचिन तेंडुलकर आणि विनोद कांबळी यांनी यापूर्वी ही कामगिरी केली आहे.

भारतीय संघात श्रेयस अय्यर आणि सूर्यकुमार यादव हे एकमेव फलंदाज आहेत ज्यांना संघातून वगळले जाऊ शकते. ते बाहेर गेल्यास रविचंद्रन अश्विन किंवा शार्दुल ठाकूरला संधी मिळू शकते. दोघेही गोलंदाजीबरोबर थोडीफार फलंदाजीही करू शकतात. त्याचबरोबर मधल्या फळीत इशान किशनलाही संधी दिली जाऊ शकते. कारण, भारत उपांत्य फेरीत पोहोचला आहे आणि संघ व्यवस्थापन इशानलाही संधी देऊ इच्छित आहे. जेणेकरून गरज पडल्यास उपांत्य आणि अंतिम सामन्यांपूर्वी त्याला सामन्याचा सराव असू शकतो.

फलंदाजीसाठी योग्य मानल्या जाणाऱ्या कोलकात्याच्या या खेळपट्टीवर नाणेफेक जिंकून प्रथम फलंदाजी करण्याचा निर्णय फायदेशीर ठरू शकतो. या मैदानाची आकडेवारीही प्रथम फलंदाजी करणाऱ्यासाठी चांगली मानली जाते. ईडन गार्डन्स मैदानावर आतापर्यंत एकूण ३७ एकदिवसीय सामने खेळले गेले आहेत. या कालावधीत प्रथम फलंदाजी करणाऱ्या संघाने २१ सामन्यांत विजय मिळवला आहे. केवळ १५ वेळा लक्ष्याचा पाठलाग करणाऱ्या संघाला यश मिळाले आहे.

या स्पर्धेत आतापर्यंत या मैदानावर दोन सामने झाले असून दोन्ही सामन्यांमध्ये गोलंदाजांनी वर्चस्व गाजवले आहे. वेगवान गोलंदाज आणि फिरकीपटू दोघांनाही जवळपास समान मदत मिळाली आहे. आजच्या सामन्यातही खेळपट्टीचे स्वरूप असेच असेल अशी अपेक्षा आहे.

ईडन गार्डन्सची खेळपट्टी फलंदाजांसाठी उपयुक्त मानली जाते. खेळपट्टीवर चांगली उसळी मिळाल्याने फलंदाजांना फटके खेळणे सोपे जाते. मात्र, वेगवान गोलंदाजही सुरुवातीला नव्या चेंडूने आपली ताकद दाखवतात. तर दुसऱ्या डावात फिरकी गोलंदाजांची भूमिका महत्त्वाची ठरते.

कोलकात्याच्या हवामानाबद्दल जर बोलायचे झाले तर, नोव्हेंबरच्या आसपास येथे सतत बदल होत आहेत. पावसाळा संपून आता हिवाळा सुरू झाला आहे. असे असतानाही कधीही पाऊस पडू शकतो, असे मानले जात आहे. सामन्यादरम्यान बहुतांश वेळा आकाश ढगाळ राहण्याची शक्यता आहे. दिवसभरात २८ अंश सेल्सिअसच्या आसपास तापमान राहण्याचा अंदाज असून, संध्याकाळी ते २२ अंश सेल्सिअसपर्यंत किंचित खाली येईल, असा अंदाज हवामान खात्याने वर्तविला आहे.

पाऊस पडला तर काय होईल?

कोलकात्यात पाऊस पडल्यास सामन्यातील षटके कमी होऊ शकतात. त्यामुळे प्रेक्षकांना संपूर्ण खेळ पाहता येणार नाही. त्याचवेळी पावसामुळे सामना रद्द होऊन दोन्ही संघांना प्रत्येकी एक गुण दिला जाऊ शकतो. स्पर्धेच्या बाद फेरीच्या सामन्यांमध्ये राखीव दिवसाचा नियम आहे. त्यामुळे चाहत्यांना अशी आशा आहे की, दोन मोठ्या संघांमध्ये रोमांचक सामना व्हायला हवा.

हार्दिक पांड्या जरी दुखापतीमुळे संघातून बाहेर पडला असेल तरी त्याच्या जाण्याने टीम इंडियाचे फारसे नुकसान झाले नाही, असे मत भारताचे प्रशिक्षक राहुल द्रविड याने व्यक्त केले. तो म्हणाला की, ““हार्दिक आम्हाला सहाव्या गोलंदाजीचा पर्याय देतो. पण आम्ही सहाव्या गोलंदाजीच्या पर्यायाशिवाय शेवटचे चार सामने खेळलो. विश्वचषकापूर्वी ऑस्ट्रेलियाच्या मालिकेतही आम्ही सहाव्या गोलंदाजीच्या पर्यायाशिवाय काही सामने खेळलो होतो. आम्ही आमचे दोन सामने, मोहाली आणि इंदोर मध्ये फक्त पाच गोलंदाजी पर्यायांसह जिंकले. त्यामुळे, आम्ही या आव्हानाला सकारात्मक पद्धतीने स्विकारले आहे.”

सामन्यापूर्वी प्रशिक्षक राहुल द्रविड म्हणाला की, रोहित शर्मा, शुबमन गिल, श्रेयस अय्यर आणि विराट कोहली गरज पडल्यास गोलंदाजी करू शकतात. यावरून रोहित सध्या संघात कोणताही बदल करण्याच्या मनस्थितीत नसल्याचे स्पष्ट होते.

हार्दिक पांड्या वर्ल्ड कपमधून बाहेर पडल्यानंतर भारताच्या अडचणीत वाढ झाली आहे. आता टीम इंडिया आपल्या प्लेइंग-११ मध्ये बदल करू शकते. इशान किशनला संधी मिळते की नाही हे पाहणे उत्सुकतेचे असणार आहे, असे झाल्यास श्रेयस अय्यर किंवा सूर्यकुमार यादव यांना बाहेर बसावे लागू शकते.

IND vs SA, World Cup 2023: भारत आणि दक्षिण आफ्रिका सामन्यावर हवामानाचा परिणाम होईल का? जाणून घ्या पिच रिपोर्ट

विराट कोहली: पश्चिम दिल्लीतल्या रांगड्या भिडूची गोष्ट

World Cup 2023: हार्दिक पांड्याचा बदली खेळाडू अक्षर पटेल ऐवजी प्रसिध कृष्णा का ठरला पहिली पसंती? जाणून घ्या

IND vs SA: ईडन गार्डनची खेळपट्टी पाहून राहुल द्रविड खूश, CAB अधिकाऱ्यांनी भारतीय प्रशिक्षकाला दिला ‘हा’ सल्ला

IND vs SA: प्रसिध कृष्णाच्या येण्याने टीम इंडियात काय बदल होणार? जाणून घ्या दोन्ही संघांची संभाव्य प्लेईंग-११

भारतीय संघाचा स्टार फलंदाज विराट कोहली ३५ वर्षांचा झाला आहे. तो देशातील सर्वात यशस्वी खेळाडूंपैकी एक आहे आणि त्याच्या नावावर अनेक मोठे विक्रम आहेत. त्याच्या वाढदिवशी तो दक्षिण आफ्रिकेविरुद्ध सामना खेळणार असून त्यात तो शतक ठोकून सचिनच्या विश्वविक्रमाची बरोबरी करू शकतो. एकदिवसीय क्रिकेटमध्ये सचिनच्या नावावर सर्वाधिक ४९ शतके आहेत आणि कोहली ४८ शतकांसह एक पाऊल मागे आहे.

एकदिवसीय विश्वचषक २०२३ मध्ये भारताचा आठवा सामना दक्षिण आफ्रिकेविरुद्ध होत आहे. हा सामना जिंकून भारतीय संघाला आपली विजयी घोडदौड कायम ठेवत सलग आठवा विजय नोंदवायचा आहे. त्याचबरोबर दक्षिण आफ्रिका विजय मिळवून गुणतालिकेत अव्वल स्थान मिळवण्याचा प्रयत्न करेल. दोन्ही संघ उपांत्य फेरीत पोहोचले आहेत, मात्र या दोघांमध्ये लढत असेल ती सर्वोत्तम संघ म्हणून सिद्ध करण्याची.