IPL 2025 Prize Winners: विजेत्या, उपविजेत्या संघासह खेळाडूही झाले मालामाल, कोणाला किती रक्कम मिळाली? पाहा संपूर्ण यादी

IPL 2025 Full Prize Winner List: आयपीएल २०२५ स्पर्धेतील अंतिम सामना रॉयल चॅलेंजर्स बंगळुरू आणि पंजाब किंग्ज या दोन्ही संघांमध्ये पार पडला. अहमदाबादच्या नरेंद्र मोदी स्टेडियमवर पार पडलेल्या सामन्यात रॉयल चॅलेंजर्स बंगळुरू संघाने ६ धावांनी विजय मिळवत जेतेपदाला गवसणी घातली आहे. गेल्या १७ वर्षांची प्रतिक्षा संपवत या संघाने पहिल्यांदाच आयपीएलची ट्रॉफी जिंकली आहे. दरम्यान फायनल जिंकल्यानंतर, विजेत्या, उपविजेत्या संघासह खेळाडूंना किती रक्कम मिळाली? जाणून घ्या.या हंगामात विजेत्या ठरलेल्या रॉयल चॅलेंजर्स बंगळुरू संघाला आयपीएलच्या ट्रॉफीसह २० कोटी रुपये मिळाले आहेत. तर उपविजेत्या ठरलेल्या पंजाब किंग्ज संघाला १३ कोटी रूपये मिळाले आहेत. यासह वेगवान गोलंदाज प्रसिद्ध कृष्णा या स्पर्धेत पर्पल कॅपचा मानकरी ठरला आहे.त्याला १० लाख रुपये मिळाले आहेत. तर युवा फलंदाज साई सुदर्शन ऑरेंज कॅपचा मानकरी ठरला. त्याला देखील १० लाख रूपये मिळाले आहेत. या स्पर्धेत तिसऱ्या स्थानी राहिलेल्या मुंबई इंडियन्सने ७ कोटींची कमाई केली आहे. तर चौथ्या स्थानी राहिलेल्या गुजरात टायटन्स संघाने ६ कोटींची कमाई केली आहे.