Irani Trophy: Umran Malik's performance in Irani Trophy could get BCCI an alternative to Bumrah avw 92 | Loksatta

Irani Trophy: इराणी चषकातील उमरान मलिकच्या कामगिरीने बीसीसीआयला मिळू शकतो बुमराहचा पर्याय

उमरान मलिकच्या कामगिरीवर निवडकर्त्यांची नजर आहे. जसप्रीत बुमराहऐवजी उमरान मलिकला टी२० विश्वचषक संघात संधी दिली जाऊ शकते, असे बोलले जात आहे.

Irani Trophy: इराणी चषकातील उमरान मलिकच्या कामगिरीने बीसीसीआयला मिळू शकतो बुमराहचा पर्याय
संग्रहित छायाचित्र (इंडियन एक्सप्रेस)

उमरान मलिकच्या कामगिरीवर निवडकर्त्यांची नजर आहे. जसप्रीत बुमराहऐवजी उमरान मलिकला टी२० विश्वचषक संघात संधी दिली जाऊ शकते, असे बोलले जात आहे. जसप्रीत बुमराहच्या दुखापतीमुळे भारतीय संघाचा तणाव वाढला आहे. बुमराह अद्याप टी२० विश्वचषकातून पूर्णपणे बाहेर पडलेला नाही, पण बीसीसीआयने त्याचा पर्याय म्हणून घेऊ शकतात. मोहम्मद सिराज आणि उमरान मलिक यांना राखीव खेळाडू म्हणून ऑस्ट्रेलियाला पाठवले जाईल, असे मानले जात आहे.

इराणी चषकात पहिल्याच दिवशी शेष भारताच्या गोलंदाजांनी घातक गोलंदाजी करत सौराष्ट्रला अवघ्या ९८ धावांत गुंडाळले. सौराष्ट्रच्या संघावर उमरान मलिक तुफान तुटून पडला. त्याने आपल्या वेगाने फलंदाजांना घाबरवले. मुकेश कुमारने सर्वाधिक ४ बळी घेतले, तर उमरान मलिकने तीन फलंदाज बाद केले. सामन्याच्या पहिल्या दिवशी तुफानी गोलंदाजी करत उमरान मलिकने सौराष्ट्राच्या गोटात खळबळ निर्माण केली. त्याच्या वेगवान आणि स्विंग होणाऱ्या चेंडूंनी फलंदाजांची पळताभुई थोडी केली. ५ षटकांच्या गोलंदाजीत ३ बळी घेतले. कालच्या सामन्यात सगळ्यात जास्त चर्चा झाली ती उमरानच्या त्या एका यॉर्कर चेंडूची. अतिवेगाने चेंडू फेकणाऱ्या उमरान मलिकचा हा चेंडू हवेत उडाला आणि ऑफ स्टंप उडून गेला. इराणी चषकामध्ये उर्वरित भारताकडून खेळताना उमरान मलिकने आपल्या कामगिरीने चांगली छाप पाडली आहे.

हेही वाचा  : इराणी चषक क्रिकेट स्पर्धा : सर्फराजच्या झुंजार शतकामुळे शेष भारताचे वर्चस्व

भारतीय संघात ऑस्ट्रेलियामध्ये जिथे वेगवान गोलंदाजांना अधिक मदत मिळते तिथे उमरानचा पर्याय नक्कीच फायद्याचा ठरू शकतो. आत्ताच सांगणे अशक्य आहे असे बीसीसीआयच्या काही पदाधिकाऱ्यांनी म्हटले आहे. भविष्यात मात्र आगामी टी२० विश्वचषकासाठी त्याची निवड होऊ शकते असे भाकीत वर्तवण्यास काही हरकत नाही असे देखील त्यांनी म्हटले आहे. शेवटी निर्णय हा कर्णधार, निवड समिती आणि संघव्यवस्थापन यांनाच घ्यायचा आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Deepti Sharma: दीप्ती शर्मा मांकडींग प्रकरणात हर्षा भोगले आणि बेन स्टोक्स यांच्यात रंगले ‘ट्वीटर युद्ध’

संबंधित बातम्या

IND vs BAN 2nd ODI: नाणेफेक जिंकून बांगलादेशचा प्रथम फलंदाजीचा निर्णय; पाहा दोन्ही संघांची प्लेइंग इलेव्हन
World Cup: रोनाल्डोच्या जागी खेळलेल्या २१ वर्षीय तरुणाची Hat-Trick; ६-१ ने सामना जिंकत पोर्तुगाल उपांत्यपूर्व फेरीत
Video: मीराबाई चानूने ऑलिम्पिक विजेतीला दिली मात; वर्ल्ड चॅम्पियनशिपमध्ये उचलले २०० किलो, पाहा
विश्लेषण: फिफा विश्वचषकामध्ये फुटबॉलपटू ‘स्पोर्ट्स ब्रा’ का घालतात? काय आहे यामागील कारण जाणून घ्या
महिला संघाचा प्रशिक्षक रमेश पोवारची ‘एनसीए’मध्ये बदली!; ऋषिकेश कानिटकर फलंदाजी प्रशिक्षकपदी

व्हिडिओ

ताज्या बातम्या
मतभेद बाजूला सारून लाडक्या लेकासाठी मलायका अरबाज आले एकत्र; नेटकरी म्हणाले…
पुणे : नवले पूल परिसरातील अपघात रोखण्यासाठी तात्पुरत्या उपाययोजना; प्रशासनाकडून आज प्रत्यक्ष पाहणी
अभिनेत्रींना मिळणाऱ्या कमी मानधनाबद्दल प्रियांका चोप्राने व्यक्त केली नाराजी; म्हणाली…
IND vs PAK: पाकिस्तान क्रिकेट संघाला मोठा धक्का, वर्ल्ड कपसाठी भारताने व्हिसा देण्यास दिला नकार
शिंदे सरकारला ‘नामर्द’ म्हणणाऱ्या राऊतांना शंभूराज देसाईंचा इशारा; म्हणाले, “तोंड आवरावं, अन्यथा पुन्हा…”