नारळ हा भारतीय स्वयंपाकघर आणि घरांमधील एक प्रमुख पदार्थ आहे. नारळाच्या सर्व भागांचा आपल्या दैनंदिन आयुष्यात उपयोग होतो. तुम्हाला माहीत आहे का की, सुका नारळ आरोग्यदायी फायद्यांनी भरलेला आहे आणि तुमच्या आहारात त्याचा समावेश केल्यानं तुम्हाला भरपूर फायदे मिळू शकतात. ओला नारळ खायला सगळ्यांनाच आवडतो. पण, सुकं खोबरं खायला जीवावर येतं. पौष्टिकतेच्या बाबतीत ओल्या नारळाचाच विचार केला जातो. ओला नारळ खाण्याचे जसे फायदे आहेत, तसेच सुके खोबरे चावून खाण्याचे अथवा आपल्या आहारात कोणत्या न कोणत्या स्वरूपात सुक्या खोबर्‍याचा समावेश करण्याचे अनेक फायदे आहेत. सुके खोबरे हे प्रामुख्याने हदय, मेंदूच्या आरोग्यासाठी फायदेशीर असते. तसेच महिलांच्या आरोग्यासाठीही सुक्या खोबर्‍याचे विशेष फायदे आहेत.
दिल्लीस्थित वैयक्तिक प्रशिक्षक व कार्यात्मक पोषणतज्ज्ञ दीपिका शर्मा यांनी दी इंडियन एक्स्प्रेसशी बोलताना या संदर्भात सविस्तर माहिती दिली आहे. सुका नारळ हा निरोगी चरबी देतो. त्यामध्ये प्रामुख्याने आतड्यांची हालचाल सुधारणारे फायबर, तांबे, सेलेनियम, लोह, मॅग्नेशियम, पोटॅशियम व जस्त यांसारखी खनिजे, जळजळ व वृद्धत्वाशी लढणारी भरपूर प्रथिने असतात.
सुक्या खोबर्‍याचा फक्त एक तुकडा रोज खाण्याचे आरोग्यदायी फायदे खालीलप्रमाणे :
आतडे आणि चयापचय- फायबर पचनास मदत करते आणि रक्तातील साखर स्थिर करते.
हार्मोनल सपोर्ट- लॉरिक अ‍ॅसिड एचडीएल कोलेस्ट्रॉलची पातळी सुधारू शकते. त्यातील चरबीचे प्रमाण हार्मोन्सच्या उत्पादनास मदत करते. पीसीओडी/मासिक पाळीतील अनियमितता असलेल्या महिला किंवा कमी चैतन्य असलेल्या पुरुषांना सुक्या खोबऱ्याच्या सेवनाचा फायदा होऊ शकतो.
त्वचा आणि रोगप्रतिकार शक्ती- सुके खोबरे अँटिऑक्सिडंट्स व निरोगी चरबीने भरलेले असते आणि ते तुमच्या त्वचेला आतून पोषण देतं. रोगप्रतिकारशक्ती वाढवून आजारांचं आणि औषधांचं प्रमाण कमी करायचं असेल तर सुकं खोबरं खाण्याला पर्याय नाही. सुक्या खोबर्‍यात प्रथिनं, जीवनसत्त्वं, लोह, कॅल्शियम, मँगनीज, सेलिनियम हे घटक मोठ्या प्रमाणात असतात. थोडेसे सुके खोबरे रोज चावून चावून खाण्याची सवय लावली, तर आपली रोगप्रतिकार शक्तीही वाढते. सुके खोबरे रोज खाल्ल्याने संसर्गजन्य आजार दूर राहतात. त्वचेचा पोतही चांगला होतो.
सुक्या खोबर्‍याशी संबंधित काही आरोग्य धोके आहेत का?
शर्मा यांनी सांगितले की, सुक्या नारळात उष्मांक जास्त असतो. ८-१० तुकडे सहजपणे २५०-३०० कॅलरीज साठवू शकतात. सतत हालचाल करणाऱ्या व्यक्तींसाठी ही समस्या नसली तरी बसून राहणाऱ्या लोकांसाठी किंवा वजन/फॅटी लिव्हरच्या समस्या असलेल्यांसाठी ते धोकादायक आहे.
सुक्या नारळाचे वजन जास्त असते. पचन मंदावलेले, पित्त समस्या असलेले किंवा पोटातील आम्ल कमी असलेल्या लोकांना सुक्या खोबर्‍याच्या जास्त सेवनाने मळमळू शकते.
तुम्ही तुमच्या आहारात हे कसे समाविष्ट करू शकता?
शर्मा यांच्या मते, सुके नारळ सकाळी आणि दुपारी हर्बल चहासोबत खाण्याची सर्वोत्तम वेळ आहे. जसे की जिरे किंवा बडीशेप. पोषणज्ज्ञांनी रात्री ते खाण्याविरुद्ध इशारा दिला आहे. “ते जड आणि तेलकट असल्याने, ते तुमच्या पचन आणि झोपेमध्ये अडथळा आणू शकते. सुक्या खोबऱ्याचे दररोज ४-५ लहान तुकडे लोकांसाठी सुरक्षित असतात आणि जर तुम्ही शारीरिकदृष्ट्या सक्रिय असाल किंवा जेवण वगळत असाल, तर – उपवास करताना किंवा प्रवास करताना – ८-१० लहान तुकड्यांचं तुम्ही सेवन करू शकता.पोषणतज्ज्ञ आठवड्यातून पाच दिवस सुके खोबरे खाण्याची आणि अतिसेवन टाळण्यासाठी दोन दिवस वगळण्याची शिफारस करतात.
© IE Online Media Services (P) Ltd