Premium

“दादा, तुम्ही व्यायाम करून सिक्स पॅक…”, अजित पवारांच्या वाढलेल्या पोटावर आव्हाडांची मिश्कील टिप्पणी

जितेंद्र आव्हाडांनी अजित पवारांच्या वाढलेल्या पोटावर मिश्कील टिप्पणी केली आहे.

jitendra awhad on ajit pawar (1)
फोटो-लोकसत्ता ग्राफिक्स टीम

राष्ट्रवादी काँग्रेस पक्षात फूट पडल्यानंतर अजित पवार गट आणि शरद पवार गट आमने सामने आले आहेत. सुरुवातीच्या काळात अजित पवार गटाकडून राष्ट्रवादी काँग्रेसचे अध्यक्ष शरद पवार यांच्याविरोधात सौम्य भूमिका घेतली जात होती. मात्र, गेल्या काही काळापासून स्वत: अजित पवार शरद पवारांवर जोरदार टीका करताना दिसत आहेत. अलीकडेच कर्जत येथे पार पडलेल्या वैचारीक मंथन मेळाव्यातून अजित पवारांनी पुन्हा एकदा शरद पवारांवर विविध आरोप केले.

या बातमीसह सर्व प्रीमियम कंटेंट वाचण्यासाठी साइन-इन करा

दरम्यान, उपमुख्यमंत्री अजित पवार यांनी शरद पवार गटाचे आमदार जितेंद्र आव्हाड यांच्यावरही टीकास्र सोडलं. जितेंद्र आव्हाडांच्या वाढलेल्या पोटाचा उल्लेख करत अजित पवारांनी टीका केली. यावर आता आव्हाडांनी प्रत्युत्तर दिलं आहे. त्यांनी आपल्या एक्स (पूर्वीचं ट्विटर) खात्यावर पोस्ट लिहून अजित पवारांवर मिश्कील टिप्पणी केली. यावेळी जितेंद्र आव्हाडांनी अजित पवारांच्या वाढलेल्या पोटाचा फोटोही शेअर केला.

एक्सवर लिहिलेल्या पोस्टमध्ये जितेंद्र आव्हाड म्हणाले, “दादा, त्यादिवशी पत्रकार परिषदेत तुम्ही माझ्या वाढलेल्या पोटाचा उल्लेख केला. तेव्हा मला वाटलं की तुम्ही व्यायाम करुन ‘सिक्स पॅक अब्ज’ तयार केले असतील. पण हा परवाचा फोटो आहे. त्यात तुमची ढेरी दिसत आहे. हाहा”

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Jitendra awhad post over ajit pawar fat shared photo on x rmm

First published on: 06-12-2023 at 08:28 IST

आजचा ई-पेपर : महाराष्ट्र

वाचा