‘दबंग ४’ बनवण्यासाठी सलमान खान आणि अरबाज उत्सुक पण ‘ही’ आहे मोठी अडचण, दिग्दर्शकाचा खुलासा

आणखी वाचा : राजकुमार रावला विचारत न घेताच ‘स्त्री’च्या सिक्वेलची घोषणा? अभिनेता म्हणाला, “हा चित्रपट…”

अरबाज खान सध्या सोनी लिव्हवरील आगामी ‘तनाव’ या सिरीजमुळे चर्चेत आहे. या सिरीजमध्ये अरबाज खान महत्त्वाच्या भूमिकेत दिसणार आहे. या सिरीजच्या प्रमोशनच्या निमित्ताने अरबाज खानने नुकतीच एका वृत्तवाहिनीला मुलाखत दिली. यावेळी त्याने ‘दबंग ४’ हा त्याच्या आगामी प्रोजेक्टपैकी एक आहे आणि लवकरच तो ‘दबंग’ या सुपरहिट चित्रपटाचा नवा भाग घेऊन येणार आहे, असं त्याने सांगितलं.

‘दबंग ४’बद्दल बोलताना अरबाज खानने सांगितलं की, “या चित्रपटावरील त्याचे काम सुरू आहे. पण हा चित्रपट बनवण्यासाठी त्याला आणि सलमान खानला आपापल्या प्रोजेक्टमधून थोडं मोकळं व्हावं लागेल. ‘दबंग ४’ रिलीज करायला ‘दबंग २’ आणि ‘दबंग ३’ इतका वेळ लागणार नाही.”

हीहे वाचा : Bigg Boss 16: ” तू ढोंगी…”, अखेर सलमान खानने साजिद खानबाबत व्यक्त केली नाराजी

पुढे तो म्हणाला, “मी लवकरच माझ्या सध्या सुरु असलेल्या प्रोजेक्ट्समधून मोकळा होईन आणि ‘दबंग 4’ या चित्रपटावर लक्ष केंद्रित करेन. कारण हा चित्रपट माझ्या हृदयाच्या खूप जवळ आहे. मला हा चित्रपट खूप मन लावून आणि प्रेमाने बनवायचा आहे. यासोबतच या चित्रपटातून मला प्रेक्षकांच्या अपेक्षाही पूर्ण करायच्या आहेत. त्यामुळे पुढील काही महिन्यात ‘दबंग 4’ची अधिकृत घोषणा होईल अशी मला आशा आहे.”