सैफ अली खानची बहीण सोहा अली खान मनोरंजन सृष्टीपासून थोडी दूर असली तरीही नेहमीच चर्चेत असते. सोशल मीडियाच्या माध्यमातून ती तिच्या वैयक्तिक आयुष्यात घडणाऱ्या घडामोडी चाहत्यांची शेअर करत असते. आता नुकताच तिने मुली बरोबर बबल बाथ घेतानाचे काही फोटो शेअर केले आहेत. आता तिच्या या फोटोमुळे सर्वांचं लक्ष तिच्याकडे वेधलं गेलं आहे.
सोहा अली खान सोशल मीडियावर चांगलीच सक्रिय असल्याचे पाहायला मिळतं. बऱ्याचदा ती तिची लेक इनायाबरोबरही वेळ घालवताना दिसते. तिच्या बरोबरचेही काही फोटोही ती सोशल मीडियावर शेअर करत असते. आता नुकताच तिने इनायाबरोबर बबल बाथ घेतला. या दरम्यानचा त्या दोघींचा फोटो सध्या खूप व्हायरल होत आहे.
आणखी वाचा : ‘पठाण’ चित्रपटातील ‘ही’ गोष्ट शाहरुख खानला सर्वात जास्त आवडली, खुलासा करत अभिनेता म्हणाला…
हे फोटो स्वतः सोहाने सोशल मीडियावर शेअर केले. यात त्या दोघी एका मोठ्या बाथटबमध्ये एन्जॉय करताना दिसत आहेत. या दोन्ही फोटोंमध्ये तिची लेक इनायाही तिच्याबरोबर दिसत आहे. पहिल्या फोटोमध्ये दोघी डुंबताना दिसत आहेत तर दुसऱ्या फोटोत सोहा इनायला किस करताना दिसतेय. हे फोटो शेअर करत तिने लिहिलं, “माझा बुडबुडा फोडू नका.” याचबरोबर वीकएन्ड वाईब्ज हा हॅशटॅगही तिने वापरला.
हेही वाचा : डोक्यापासून पायापर्यंत टॉयलेट पेपर गुंडाळत सोहाने मुलीला बनवले Easter Egg, पाहा फोटो
त्यांचे हे फोटो सोशल मीडियावर खूप चर्चेत आले आहेत. सोहाने हे फोटो शेअर करतात त्यावर तिचे चहा त्यांनी कमेंट्स करत प्रतिक्रिया द्यायला सुरुवात केली आहे. तिचे हे फोटो तिच्या चाहत्यांना आवडले असून त्या फोटोंचं कौतुक तिचे चाहते करत आहेत.