बॉलीवूड अभिनेत्री उवर्शी रौतेला सध्या चांगलीच चर्चेत आहे. अहमदाबादमध्ये भारत विरुद्ध पाकिस्तान सामन्यादरम्यान उवर्शीचा २४ कॅरेट सोन्यााचा आयफोन चोरीला गेला होता. ट्वीट करत उर्वशीने याबाबतची माहिती दिली होती. अद्याप उर्वशीला तिचा फोन मिळालेला नाही. मात्र, फोन चोरणाऱ्या व्यक्तीने आता उवर्शीला मेसेज केला असल्याची माहिती समोर आली आहे.
मोबाईल परत मिळावा यासाठी उर्वशीने सोशल मीडियावर पोस्ट शेअर करत लोकांना मदतीचे आवाहन केले होते. सोशल मीडियावर उर्वशीने तिच्या फोनचा शेवटचे लोकेशन शेअर केले होते. अहमदाबादमधील एका मॉलमध्ये उवर्शीचा फोन शेवटचा ट्रॅक करण्यात आला होता. नुकतच उर्वशीने फोन परत करणाऱ्या व्यक्तीला बक्षीस देण्याची घोषणा केली आहे.
उर्वशीच्या या घोषणेनंतर सोन्याचा आयफोन चोरणाऱ्या व्यक्तीने उवर्शीला ईमेल पाठवला आहे. या ईमेलमध्ये त्या व्यक्तीने उर्वशीचा हरवलेला फोन त्याच्याकडे असल्याची कबुली दिली आहे. पण तो परत देण्याआधी त्याने उर्वशीसमोर एक अट ठेवली आहे. ईमेलमध्ये लिहिले आहे की, ‘माझ्याकडे तुमचा फोन आहे. जर तुम्हाला हा फोन घ्यायचा असेल तर आधी तुम्हाला माझ्या भावाला कॅन्सरमधून बाहेर काढण्यासाठी माझी मदत करावी लागेल. उवर्शीने या ईमेलचा फोटो सोशल मीडियावर शेअर केला आहे. हा फोटो शेअर करत उवर्शीने त्या व्यक्तीला मदत करण्याची तयारी दाखवली आहे.
हेही वाचा- “पुढील १० वर्षं तुम्ही या चित्रपटाबद्दल…” किंग खानच्या ‘डंकी’बद्दल मुकेश छाब्रा यांचा मोठा खुलासा
याआधी उर्वशीने तिच्या इंस्टाग्रामवर एक पोस्ट शेअर करून तिचा २४ कॅरेट सोन्याचा आयफोन हरवला असल्याचे सांगितले होते. उवर्शीने पोस्ट शेअर करत लिहिले होते की, ‘नरेंद्र मोदी स्टेडियममध्ये माझा २४ कॅरेटचा आयफोन हरवला आहे. कृपया कोणाला आढळल्यास त्वरित संपर्क साधावा. यासोबतच अभिनेत्रीने तिच्या ट्वीटरवरही ही माहिती शेअर केली होती.