बॉलीवूड अभिनेता वरुण धवन आणि नताशा दलाल यांनी २०२१ मध्ये लग्नगाठ बांधली. हे दोघे बऱ्याच काळापासून एकमेकांना डेट करीत होते. वरुण पत्नी नताशाबरोबरचे अनेक फोटो सोशल मीडियावर शेअर करीत असतो. दरम्यान, गेले काही दिवस सोशल मीडिया स्टार कुशा कपिला आणि वरुणची पत्नी नताशा या दोघीही थोड्याफार सारख्याच दिसतात अशा चर्चा सुरु होत्या. नेटकऱ्यांच्या या चर्चांना उत्तर देताना कॉमेडी क्वीन कुशा कपिलाने एक मजेशीर व्हिडीओ शेअर केला आहे.
कुशाने थेट वरुणबरोबर व्हिडीओ बनवत आपल्या इन्स्टाग्रामवर शेअर केला आहे. व्हिडीओच्या सुरुवातीला कुशा वरुणला धडकते, दोघेही बराच वेळ एकमेकांकडे पाहतात आणि गोंधळलेले दिसतात, अर्थात याठिकाणी वरुण सुद्धा पत्नी नताशासारख्या दिसणाऱ्या मुलीला पाहून गोंधळला आहे असे दाखवण्याचा प्रयत्न केला आहे.
हेही वाचा : छत्रपती संभाजी महाराजांचा जीवनपट मोठ्या पडद्यावर; बॉलीवूडचा ‘हा’ अभिनेता साकारणार शंभूराजांची भूमिका
कुशाने या व्हिडीमध्ये असंख्य युजर्सच्या “नताशा आणि तू सारखी दिसतेस…” सांगणाऱ्या कमेंट्सचे स्क्रिनशॉट्स जोडले आहेत. यामध्ये अनेक युजर्स तिला “नताशा दलालची हुबेहूब कॉपी”, “जुडवा २ इन रिअल लाईफ” असे म्हणत आहेत. व्हिडीओ शेअर करताना कॅप्शनमध्ये नमूद करत कुशाने वरुण धवनचे आभार मानले आहेत. कुशाने शेअर केलेला हा व्हिडीओ सध्या सोशल मीडियावर प्रचंड व्हायरल होत आहे.
दरम्यान, कुशा कपिला ही प्रसिद्ध इन्स्टाग्राम क्रिएटर म्हणून ओळखली जाते. तिचे एक यूट्यूब चॅनेल देखील आहे आणि इंस्टाग्रामवर कुशाचे तब्बल ३.३ मिलियन फॉलोअर्स आहेत. इंस्टाग्राम आणि यूट्यूबवर कुशा नेहमीच असे मजेदार व्हिडीओ शेअर करत आपल्या चाहत्यांचे मनोरंजन करीत असते. दुसरीकडे, वरुण धवन सध्या सिटाडेल या वेब सीरिजमध्ये व्यस्त आहे.