अभिनेता आणि स्वयंघोषीत चित्रपट समीक्षक कमाल आर खान म्हणजेच केआरके त्याच्या विधानांमुळे कायमच चर्चेत असतो. सिनेमा आणि बॉलिवूड कलाकारांवर टीका करणं आणि भविष्यवाणी करणं यात केआरकेचा हातखंडा आहे. नुकतच केआरकेने एक ट्वीट करत करीना आणि सैफच्या मुलांची भविष्यवाणी केली होती. त्यानंतर आता केआरकेने रणबीर कपूर आणि आलिया भट्ट यांच्या लग्नाहद्दल भविष्यवाणी केलीय.
केआरकेने ट्वीट करत आजवर अनेक भाकीतं केली आहेत. यात आता रणबीर कपूर आणि आलिया भट्टचा नंबर आलाय. केआरके ने एक ट्वीट शेअर केलं असून यात तो म्हणाला, ” रणबीर कपूर आणि आलिया भट फारफार तर २०२२ च्या अखेरपर्यंत लग्न करतील. मात्र रणबीर कपूर लग्नानंतर १५ वर्षात तिला घटस्फोट देईल.”
Prediction 08- Ranbir Kapoor and Alia Bhatt will get married max till end of 2022. But Ranbir Kapoor will divorce her within 15 years after marriage!
— KRK (@kamaalrkhan) July 13, 2021
केआरकेने रणबीर आणि आलियाच्या घटस्फोटाची केलेली ही भविष्यवाणी त्यांच्या चाहत्यांना पचनी पडलेली नाही. त्यामुळे केआरकेच्या या ट्वीटवर त्याला अनेक नेटकऱ्यांनी ट्रोल केलंय. एक युजर म्हणाला ” मग तू म्हणतोस की लोक मला शिव्या का देतात.”
Fir tum bolte ho ki log tumko gaali kyu dete hai
— Harsh Sharma (@harshrsharma29) July 13, 2021
तर दुसरा युजर म्हणाला, “तसं तुझं लग्न कसं झालं. नक्कीच गावी न पाहताच झालं असेल. कारण तिने तुला आधी पाहिलं असतं तर नक्कीच कधी लग्न केलं नसतं.”
Waise tumhari shaadi kaise huyi??? Definitely gaon mein bina dekhe huyi hogi kiyun ki woh dekh leti toh kabhi shaadi nahin karti tumse
— Anil Tewarson (@anil_tewarson) July 13, 2021
केआरकेच्या या पोस्टनंतर अनेकांनी त्याच्यावर निशाणा साधला आहे. या आधी देखील केआरकेला ट्वीट करणं अनेकदा महागात पडलं आहे. नेटकऱ्यांनी वेळोवेळी केआरकेची खिल्ली उडवली आहे.