“राज म्हणजे…” प्राजक्ता माळीने सांगितलं ज्वेलरी ब्रँडच्या नावामागील गुपित, जाणून घ्या काय आहे तिचं या शब्दाशी कनेक्शन

‘प्राजक्तराज’ची गेले अनेक दिवस चर्चा होती. प्राजक्ता ही गेले अनेक दिवस त्याबद्दल सोशल मीडियावर पोस्ट करत होती. पण ‘प्राजक्तराज’ हा तिचा नवीन ज्वेलरी ब्रँड असेल असं याच्या नावावरून कोणाच्याही लक्षात आलं नाही. तिच्या ब्रँडच्या या नावाने सर्वांचं लक्ष वेधून घेतलं आहे. आता हे नाव ठेवण्यामागची गोष्ट तिने काल सांगितली.

आणखी वाचा : Video: रितेश देशमुखच्या प्रश्नाचं करीना कपूरने दिलं मराठीत उत्तर, म्हणाली…; व्हिडीओ व्हायरल

प्राजक्ता म्हणाली, “मला सगळ्यांनी या ज्वेलरी ब्रँडचं नाव ‘प्राजक्तसाज’ असं सुचवलं होतं. पण ते नाव न निवडता मी ‘प्राजक्तराज’ हे नाव निवडलं. ‘प्राजक्तसाज’ हे छान नाव आहे पण त्यावरून लगेच कळतं की हा दागिन्यांचा ब्रँड असेल. म्हणून मी हे नाव ठेवलं नाही. तर ‘राज’ या शब्दात एक भारदस्तपणा आहे, या शब्दाला एक वजन आहे. कुठल्याही शब्दाला ‘राज’ जोडलं की त्याचं वजन वाढतं. एखादा देखणा मुलगा असेल तर त्याला आपण राजबिंडा असं म्हणतो. तसंच माझ्या दागिन्यांचंही आहे. म्हणून याला ‘प्राजक्तराज’ हे नाव दिलं.

हेही वाचा : प्राजक्ता माळीने सुरु केला ज्वेलरी ब्रँड; उद्घाटनाला मनसे प्रमुख राज ठाकरेंची विशेष उपस्थिती

काल प्राजक्ताच्या या नवीन ज्वेलरी ब्रँडचा उद्घाटन सोहळा अत्यंत दिमाखात पार पडला. या सोहळ्याला मनसे प्रमुख राज ठाकरे यांची विशेष उपस्थिती होती. तसंच या सोहळ्याला राज ठाकरेंच्या बरोबरीने त्यांची पत्नी शर्मिला ठाकरे, इतिहासकार विश्वास पाटील आणि प्राजक्ताचा मित्रपरिवार उपस्थित होता.