Video : अंबानींच्या धाकट्या सूनेचा जामनगरमध्ये भव्य गृहप्रवेश! अनंत-राधिकाचा गुजरातमधील व्हिडीओ व्हायरल

गेल्या चार महिन्यांपासून सर्वत्र अनंत-राधिकाच्या लग्नाची चर्चा होती. या दोघांचा पहिला प्री-वेडिंग सोहळा गुजरातमधील जामनगरमध्ये पार पडला होता. यानंतर या जोडप्याच्या दुसऱ्या प्री-वेडिंग सोहळ्याचं आयोजन इटली ते फ्रान्स दरम्यान जाणाऱ्या क्रुझवर करण्यात आलं होतं. या दोन्ही सोहळ्यांना बॉलीवूडसह अनेक हॉलीवूड सेलिब्रिटी उपस्थित होते. थाटामाटात लग्नसोहळा पार पडल्यावर अंबानींच्या नव्या सुनेचं त्यांच्या राहत्या घरी म्हणजेच अँटालियामध्ये स्वागत करण्यात आलं होतं.

हेही वाचा : अनंत अंबानी-राधिका मर्चंटच्या लग्नावर ‘या’ सुप्रसिद्ध दिग्दर्शकाने बनवला चित्रपट, अमिताभ बच्चन यांनी दिला आवाज

राधिका मर्चंटचा जामनगरमध्ये गृहप्रवेश ( Radhika Merchant )

अनंत-राधिका मुंबईतील लग्नसोहळा आटपून लंडनमध्ये आणखी एक सेलिब्रेशन करणार अशा चर्चा सर्वत्र रंगल्या होत्या. परंतु, हे जोडपं रविवारी रात्री जामनगरमध्ये दाखल झालं. अनंतचा जन्म जामनगरमध्ये झाल्याने अंबानी कुटुंबीयांचं या शहराशी जवळचं नातं आहे. त्यामुळे राधिकाचा गुजरातच्या घरात भव्य गृहप्रवेश करण्यात आला.

राधिका मर्चंटने जामनगरच्या घरी माप ओलांडून गृहप्रवेश केला. सर्वांनी मोठ्या आनंदाने या जोडप्याच्या स्वागत केलं. याचा व्हिडीओ अंबानी अपडेट्स या इन्स्टाग्राम पेजवर शेअर करण्यात आला आहे. राधिका-अनंतच्या गृहप्रवेशाचा हा Inside व्हिडीओ सध्या मोठ्या प्रमाणात व्हायरल होत आहे. या व्हिडीओवर नेटकऱ्यांनी देखील लाइक्स व कमेंट्सचा वर्षाव केला आहे.

हेही वाचा : “माझ्याबरोबर चुकीचं वागणारे आता भोगत आहेत”, घटस्फोटाबाबत अनिकेत विश्वासरावचं भाष्य; म्हणाला, “हायकोर्टाने निर्णय…”

हेही वाचा : ‘अशी ही बनवाबनवी’चा सीक्वेल येणार का? सचिन पिळगांवकरांनी व्यक्त केल्या भावना; म्हणाले, “लक्ष्याशिवाय…”

दरम्यान, अनंत – राधिकाच्या लग्नात पाहुण्यांना खास वाराणसीच्या संस्कृतीचं तेथील ऐतिहासिक वारसा, भारतीय परंपरा याचं दर्शन घडलं. मुलाच्या लग्नाआधी प्रार्थना करण्यासाठी नीता अंबानी काही दिवसांपूर्वी काशीला गेल्या होत्या. याठिकाणी त्यांनी अनंत-राधिकाच्या उज्ज्वल भविष्यासाठी प्रार्थना केली होती. आलिया भट्ट, रणबीर कपूर, शाहरुख खान, सलमान खान, दीपिका पदुकोण, रणवीर सिंह, बच्चन कुटुंबीय, कपूर कुटुंबीय या सेलिब्रिटींशिवाय राजकीय क्षेत्रातील विविध मान्यवर या सोहळ्याला उपस्थित होते.