छोट्या पडद्यावरील सध्या सर्वाधिक लोकप्रिय मालिका म्हणजे ‘आई कुठे काय करते.’कडे पाहिले जाते. गेल्या काही दिवसांपासून या मालिकेत येणाऱ्या ट्वीस्टमुळे ती चांगलीच चर्चेत आहे. या मालिकेत अरुंधतीचे पात्र अभिनेत्री मधुराणी प्रभूलकर साकारताना दिसत आहे. नुकतंच त्यांनी स्त्रियांना एक सल्ला दिला आहे.
अभिनेत्री मधुराणी प्रभूलकर या सोशल मीडियावर कायमच सक्रीय असतात. नुकतंच त्यांनी इन्स्टाग्रामवर एक व्हिडीओ शेअर केला आहे. या व्हिडीओ त्या स्वत: साडी नेसून गाडी चालवताना दिसत आहेत. याला दिलेल्या कॅप्शनने सर्वांचेच लक्ष वेधून घेतले आहे.
आणखी वाचा : “प्रौढ वयात लग्न…” ‘आई कुठे काय करते’च्या कथानकावरुन ट्रोल करणाऱ्यांना अरुंधतीचे सडेतोड उत्तर
“अरुंधती… ऑन दी गो. प्रत्येक स्त्रीनं वेळीच आपल्या आयुष्याचं steering wheel आपल्या हातात घ्यायला हवं. हे असं…..!” असे कॅप्शन तिने या फोटोला दिले आहे.
मधुराणी प्रभूलकरची ही पोस्ट सध्या चांगलीच व्हायरल होत आहे. तिच्या या पोस्टवर अनेक चाहते कमेंट करताना दिसत आहेत. ‘किती ते छान’, अशी कमेंट एकाने केली आहे. तर एकाने ‘नाहीतर आपलं आयुष्य दुसरे चालवतात’, असे कमेंट करत म्हटले आहे.