स्त्रीने टिकली लावण्याविषयी ‘आई कुठे काय करते’ फेम अभिनेत्रीने मांडलं परखड मत, म्हणाली, “आपण आपली संस्कृती…”

‘आरपार’ या युट्यूब चॅनेलला अभिनेत्री राधिका देशपांडेने मुलाखत दिली. या मुलाखतीमध्ये राधिका म्हणाली, “एकेदिवशी मिरजेला ‘नथुराम गोडसे’ नाटकाचा प्रयोग होता. मग तिथे भिडे काकांची भेट झाली. साहजिकच मला फोटो काढावासा वाटला. मी फोटो काढला आणि तो ठेवला होता. तो मी काही लगेच पोस्ट केला नाही. त्याच दरम्यान टिकलीवर काहीतरी घाव घालण्यात आला. भिडे काकांवर बोललं गेलं की, त्यांनी एका पत्रकार महिलेला सांगितलं की, तू टिकली लावून ये मग मी बोलेन. आता ते कुठल्या दृष्टीकोनातून बोलले मला काहीच माहिती नाहीये. टिकली लावायची का नाही लावायची? कधी लावायची का नाहीच लावायची? याविषयावर प्रत्येक स्त्रीला स्वातंत्र्य असायला हवं. कुंकवाला पर्याय म्हणून आपण टिकली लावायला लागलो.”

हेही वाचा – ५० दिवसांनंतर ‘नवरा माझा नवसाचा २’ चित्रपट आता ओटीटीवर, कोणत्या प्लॅटफॉर्मवर प्रदर्शित झाला? जाणून घ्या…

पुढे राधिका देशपांडे म्हणाली, “पण, मला भिडे काका असं बोलले, याचा खूप विचार करावासा वाटला. ते का बोलले असतील? मग खरंच ते बरोबर आहे का? आपण आपली संस्कृती सोडतो आहोत का टिकली लावली नाही तर?…मला असं वाटतं प्रत्येक ठिकाणी जाण्याचा एक डेकोरम ( Decorum ) असतो प्रोटोकॉल असतो. मला वाटतं टिकली लावायला पाहिजे. न लावून फार असे तुम्ही ग्रेट आहात असं दाखवत असाल तर ते तसं नाहीये. टिकली लावणाऱ्या बायका पण अतिशय सुंदर, आकर्षक असतात.”

हेही वाचा – “प्रिय आजोबा…”, मराठी सिनेसृष्टीतील प्रसिद्ध खलनायक राजशेखर यांच्या नातवाने लिहिलं भावुक पत्र, म्हणाला…

हेही वाचा – Video: ‘बिग बॉस मराठी’ फेम अभिजीत सावंतचा बाथरुममध्ये ‘अफगान जलेबी’ गाण्यावर जबरदस्त डान्स, व्हिडीओ होतोय व्हायरल

संभाजी भिडे यांचं प्रकरण

काही वर्षांपूर्वी एका वृत्तवाहिनीच्या महिला पत्रकार मंत्रालयात गेल्या होत्या. त्यावेळी संभाजी भिडे मंत्रालयात आले होते. म्हणून त्या महिला पत्रकाराने संभाजी भिडेंना विचारलं की, तुम्ही कुणाची भेट घेतली? यावर संभाजी भिडे म्हणाले होते, “तू आधी टिकली लाव तर तुझ्याशी बोलेन. आमची अशी भावना आहे की प्रत्येक स्त्री भारतमाता आहे. भारतमाता विधवा नाही, त्यामुळे तू आधी कुंकू किंवा टिकली लाव मग मी तुझ्याशी बोलेन.” संभाजी भिडेंच्या या वक्तव्यानंतर गदारोळ झाला होता.