मराठमोळी अभिनेत्री अक्षया देवधर २ डिसेंबरला अभिनेता हार्दिक जोशीसह विवाहबद्ध झाली. अक्षया-हार्दिकच्या लग्नाची चर्चा काही केल्या संपत नाहीये. त्यांच्या शाही विवाहसोहळ्यातील हळदी, संगीत व मेहंदी कार्यक्रमातील फोटो सोशल मीडियावर अजूनही व्हायरल होत आहेत.
‘तुझ्यात जीव रंगला’ मालिकेतून घराघरात पोहोचलेल्या राणादा-पाठकबाईंचा चाहता वर्गही मोठा आहे. अक्षया व हार्दिक दोघेही सोशल मीडियावरुन चाहत्यांच्या संपर्कात राहण्याचा प्रयत्न करतात. नुकतंच अक्षयाने तिचा कारमधील एक सेल्फी इन्स्टाग्राम स्टोरीमध्ये शेअर केला आहे. या सेल्फीमध्ये नववधू अक्षयाचा लूक पाहायला मिळत आहे.
हेही वाचा>> “राखी सावंतला मॉलमध्ये बघताच माझी आई जोरात ओरडली अन्…” सोनाली कुलकर्णीने सांगितला ‘तो’ किस्सा
साडी व त्यावर मॅचिंग डिझायनर ब्लाऊज परिधान करत अक्षयाने मराठमोळा लूक केला आहे. हातात हिरवा चुडा, कपाळावर टिकली व गळ्यातील मंगळसूत्र असा साज अक्षयाने केला आहे. पण अक्षयाच्या लूकपेक्षा तिच्या कॅप्शनने चाहत्यांचं लक्ष वेधून घेतलं आहे. अक्षयाने हा फोटो शेअर करत “मिसेस जोशी” असं कॅप्शन दिलं आहे.
हेही वाचा>>समीर चौगुलेंना चाहत्याने बनवलं स्पायडरमॅन; अभिनेता पोस्टवर कमेंट करत म्हणाला…
अक्षया व हार्दिकने पुण्यात सप्तपदी घेत त्यांच्या नव्या आयुष्याला सुरुवात केली. मालिकेतील त्यांच्या जोडीला चाहत्यांनी पसंती दर्शविली होती. राणादा-पाठकबाई या रील लाइफ जोडीने खऱ्या आयुष्यातही लग्नगाठ बांधल्याने चाहते आनंदी आहेत.