BB4 Marathi Grand Premiere News : छोट्या पडद्यावरील सर्वात वादग्रस्त तरीही लोकप्रिय शो म्हणून ‘बिग बॉस मराठी’ला ओळखले जाते. आज रविवार २ ऑक्टोबरपासून ‘बिग बॉस मराठी’चे चौथे पर्व सुरु झाले आहे. दरवर्षीप्रमाणे यंदाही प्रसिद्ध दिग्दर्शक आणि अभिनेते महेश मांजरेकर या कार्यक्रमाचे सूत्रसंचालन करत आहेत. यंदाचं पर्व हे ऑल इज वेल या थीमवर आधारित आहे. बिग बॉस मराठी सहभागी होणाऱ्या स्पर्धकांची नाव समोर येण्यास आली आहे. बिग बॉस मराठी ४ ची घोषणा झाल्यापासूनच प्रेक्षकांची उत्सुकता शिगेला पोहोचली आहे. बिग बॉस मराठी ४ चे पुढचे १०० दिवस हा कार्यक्रम प्रेक्षकांचे मनोरंजन करताना दिसणार आहे. कलर्स मराठीवर नुकतंच याचा ग्रँड प्रीमियर पार पडला. महेश मांजरेकरांनी घरात सहभागी झालेल्या स्पर्धकांचे अनोख्या स्टाइलमध्ये स्वागत केले आहे. बिग बॉस मराठीमध्ये सहभागी होणाऱ्या स्पर्धकांला पहिल्याच दिवशी बिग बॉसने दणका दिला आहे. या स्पर्धेला सुरुवात झाल्यानंतर बिग बॉसने या सर्व स्पर्धकांना एका विशिष्ट रंगाचे बँड दिले आहेत. या बँडनुसार त्यांना घरातील कामांची जबाबदारी पार पाडावी लागणार आहे. यात स्वयंपाक घरातील जेवण बनवणे ते साफसफाई अशी कामे असणार आहेत. यंदा घरातून चार स्पर्धक लगेचच बाहेर पडणार असल्याची घोषणा बिग बॉसने केली आहे. उद्याच्या भागात आपल्याला नक्की कोण बाहेर पडणार हे पाहता येणार आहे. त्यामुळे प्रेक्षकांमध्ये औत्सुक्याचे वातावरण पाहायला मिळत आहे. 'बिग बॉस मराठी'च्या सहभागी होणाऱ्या स्पर्धकांची नावे तेजस्विनी लोणारीप्रसाद जवादेअमृता धोंगडेनिखिल राजशिर्केकिरण मानेसमृद्धी जाधवअक्षय केळकरअपूर्वा नेमळेकरयोगेश जाधवयशश्री मसुरकरअमृता देशमुखविकास सावंतमेघा घाडगेत्रिशुल मराठेरुचिरा जाधवरोहित शिंदे