मराठमोळी अभिनेत्री विशाखा सुभेदार सोशल मीडियावर प्रचंड सक्रिय असल्याचं पाहायला मिळतं. ‘महाराष्ट्राची हास्यजत्रा’ शोमधून प्रसिद्धी मिळवलेल्या विशाखाने अनेक मालिका, चित्रपट व नाटकांत काम करुन प्रेक्षकांचं मनोरंजन केलं आहे. विशाखा तिच्या सोशल मीडियावरुन अनेक फोटो व व्हिडीओ शेअर करत असते.
नृत्याची आवड असलेल्या विशाखाने काही दिवसांपूर्वी ‘हुआ छोकरा जवां रे” गाण्यावरील डान्सचा व्हिडीओ शेअर केला होता. काळ्या रंगाची साडी नेसून या गाण्यावर ठुमके लावताना विशाखा दिसली होती. तिच्या चाहत्यांच्याही हा व्हिडीओ पसंतीस उतरला होता. बॉलिवूडमधील प्रसिद्ध कोरिओग्राफर गणेश आचार्य यांनाही विशाखाचा हा डान्स व्हिडीओ आवडल्याचं दिसत आहे.
हेही वाचा>> Video: कॅमेऱ्यासमोर चेहरा लपवल्याने दीपिका पदुकोणची राज कुंद्राशी तुलना; नेटकरी म्हणाले “बिकिनी घालून…”
विशाखाच्या या व्हिडीओवर गणेश आचार्य यांनी “सुपर गॉडब्लेस” अशी कमेंट केली आहे. गणेश आचार्यांनी केलेली कमेंट पाहून विशाखा सुभेदार भारावून गेली आहे. त्यांच्या कमेंटवर रिप्लाय करत “आईशप्पथ…सर…थँक्यू…आज तो दिन बन गया”, असं विशाखाने म्हटलं आहे. विशाखाने याचा स्क्रीनशॉट काढून त्याची पोस्टही शेअर केली आहे.
विशाखा सुभेदार सध्या स्टार प्रवाहवरील ‘शुभविवाह’ मालिकेतून प्रेक्षकांचं मनोरंजन करत आहे. या मालिकेत ती महत्त्वाची भूमिका साकारत आहे.