सोशल मीडियावर आपल्या अतरंगी फॅशनमुळे चर्चेत राहणारी उर्फी जावेद हिचा एक फोटो सोशल मीडियावर व्हायरल होत आहे. त्यावरून तिने साखरपुडा केल्याच्या चर्चा सुरू झाल्या आहेत. उर्फीने याबाबत कोणतीही पोस्ट केलेली नाही, पण तिचा फोटो चांगलाच व्हायरल होत आहे.
व्हायरल होणाऱ्या फोटोमध्ये उर्फी काळ्या रंगाच्या कपड्यांमध्ये दिसत आहे. तर शेजारी बसलेल्या तरुणाचा चेहरा मात्र लपवण्यात आला आहे. दोघांच्या समोर हवन सुरू आहे. उर्फीने डोक्यावर ओढणी घेतली आहे. फोटो पाहून असं दिसतंय की उर्फी एकतर त्या तरुणाच्या बोटात काहीतरी घालत आहे नाहीतर त्याच्या हाताला काहीतरी बांधत आहे. मात्र फोटो स्पष्ट नसल्याने काही कळत नाहीये.
हे फोटो सोशल मीडियावर व्हायरल झाल्यानंतर लोक उर्फीला कमेंट करून शुभेच्छा देत आहेत. तसेच अनेक जण तो मुलगा कोण आहे, याबाबत विचारणा करत आहेत. पण हा फोटो व्हायरल असल्याने हा खरा आहे की उर्फीच्या शुटिंगचा आहे, याबाबत कोणतीही माहिती समोर आलेली नाही.