Entertainment News Updates: विजय देवरकोंडाच्या Kingdom ची दमदार ओपनिंग! पहिल्या दिवशी कमावले तब्बल ‘इतके’ कोटी

Kingdom Box Office Collection Day 1: विजय देवरकोंडाचा बहुप्रतिक्षीत ‘किंगडम’ चित्रपट अखेर प्रेक्षकांच्या भेटीला आला आहे. हा चित्रपट ३१ जुलै रोजी जगभरात प्रदर्शित झाला. विजयच्या ‘किंगडम’ला प्रेक्षकांचा चांगला प्रतिसाद मिळाला आहे. या चित्रपटाने पहिल्या दिवशी किती कमाई केली, ते जाणून घेऊयात.

विजय देवरकोंडाच्या मागील चित्रपटांनी बॉक्स ऑफिसवर खूपच निराशाजनक कामगिरी केली होती. त्यामुळे अभिनेत्यासाठी ‘किंगडम’ हा अतिशय महत्त्वाचा चित्रपट होता. रिलीज होण्यापूर्वीच चित्रपटाची खूप चर्चा झाली होती. ‘किंगडम’ला समीक्षक आणि प्रेक्षकांकडून उत्तम प्रतिसाद मिळाला आहे. सोशल मीडियावरही या चित्रपटाचे खूप कौतुक केले जात आहे. ‘किंगडम’मधून विजय देवरकोंडाने दमदार पुनरागमन केले आहे, असं चाहते म्हणत आहेत.

सॅकनिल्कच्या ट्रेंड रिपोर्टनुसार, विजय देवरकोंडाच्या ‘किंगडम’ने १५.७५ कोटी रुपये कमवून दमदार ओपनिंग केली आहे. हा चित्रपट वीकेंडला किती कमाई करतो ते पाहणं महत्त्वाचं ठरेल. ‘किंगडम’मध्ये मराठमोळी भाग्यश्री बोरसे, सत्य देव व अयप्पा पी शर्मा या कलाकारांच्याही भूमिका आहेत.