Decision in two days to relax restrictions in the state abn 97 | चित्रपटगृहे, उपाहारगृहे पूर्ण क्षमतेने; निर्बंध शिथिल करण्याबाबत दोन दिवसांत निर्णय | Loksatta

चित्रपटगृहे, उपाहारगृहे पूर्ण क्षमतेने; निर्बंध शिथिल करण्याबाबत दोन दिवसांत निर्णय

मुख्यमंत्र्यांच्या मान्यतेनंतर एक-दोन दिवसांत नियमावली जारी केली जाईल.

चित्रपटगृहे, उपाहारगृहे पूर्ण क्षमतेने; निर्बंध शिथिल करण्याबाबत दोन दिवसांत निर्णय

करोना रुग्णसंख्या घटल्याने केंद्राच्या सूचनेनुसार राज्यातील निर्बंध लवकरच शिथिल करण्यात येणार आहेत़   त्यानुसार उपाहारगृहे, नाट्यगृहे, चित्रपटगृहे पूर्ण क्षमतेने सुरू करण्यास परवानगी देण्यात येणार आह़े

करोना रुग्णआलेख घसरल्याने निर्बंध शिथिल करण्याची सूचना केंद्र सरकारने बुधवारी राज्यांना केली होती. त्यादृष्टीने गुरुवारी सचिव पातळीवर करोनास्थितीचा आढावा घेण्यात आला. कोणते निर्बंध शिथिल करता येतील, यावर या बैठकीत चर्चा करण्यात आली.  मुख्य सचिवांच्या अध्यक्षतेखाली आज, शुक्रवारी होणाऱ्या राज्य आपत्ती व्यवस्थापन समितीच्या बैठकीत याबाबत निर्णय घेतला जाईल. मुख्यमंत्र्यांच्या मान्यतेनंतर एक-दोन दिवसांत नियमावली जारी केली जाईल.

राज्यात करोनाचा संसर्ग कमी झाल्यानंतर सरकारने १ फेब्रुवारीपासून सर्व राष्ट्रीय उद्याने, सफारी, पर्यटन स्थळे, स्पा, समुद्रकिनारे, मनोरंजन पार्क, नाटय़गृह, हॉटेल तसेच सांस्कृतिक कार्यक्रम सुरु केले आहेत. तसेच लग्नसमारंभासाठी २०० व्यक्तींना उपस्थित राहण्याची मुभा देण्यात आली होती. अंत्यसंस्कारासाठी उपस्थित राहणाऱ्यांच्या संख्येवरील निर्बंध रद्द करण्यात आले आहेत. मात्र, अजूनही राज्यात ब्युटी सलून तसेच केशकर्तनालय, मनोरंजन उद्याने, जलतरण तलाव, वॉटर पार्क, उपाहारगृहे, नाटय़गृहे, चित्रपटगृहे ५० टक्के क्षमतेने सुरु ठेवण्याचे बंधन आहे. त्याचप्रमाणे लसीकरणाची पहिली मात्रा ९० टक्क्यांपेक्षा अधिक आणि दुसरी मात्रा ७० टक्क्यांपेक्षा अधिक लोकांनी घेतलेल्या जिल्ह्यातच या सवलती देण्यात आल्या होत्या.

गेल्या २० दिवसांत करोना रुग्णसंख्या झपाटय़ाने कमी होत असून सध्या दररोज दोन ते अडीच हजार लोक बाधित होत आहेत. त्यातही रुग्णालयात दाखल होणाऱ्यांची संख्या झपाटय़ाने कमी होत आहे. त्यामुळे उपाहारगृहे, नाटय़गृहे, चित्रपटगृहे पूर्ण क्षमतेने सुरू करण्याबरोबरच लग्न व अन्य समारंभांच्या उपस्थितीवरील मर्यादा वाढविण्यात येणार आहे.

राज्यात करोनाचे २,७९७ नवे रुग्ण

मुंबई : राज्याचा करोना रुग्णआलेख घसरत असून, गुरुवारी २,७९७ नव्या रुग्णांची नोंद झाली, तर ४० रुग्णांचा मृत्यू झाला. राज्यात दिवसभरात ६,३८३ रुग्ण करोनामुक्त झाले असून, उपचाराधीन रुग्णांची संख्या २३८१६ इतकी आहे. मुंबई २५९, पुणे जिल्हा १७६, पुणे शहर ४५०, पिंपरी-चिंचवड २६२, सांगली ५४, औरंगाबाद ३२, नागपूर ९० नव्या रुग्णांची नोंद झाली.

नवा करोनावतार.. ‘डेल्टाक्रॉन’

डेल्टा आणि ओमायक्रॉन यांच्याद्वारे संकरित नव्या विषाणूचे रुग्ण ब्रिटनमध्ये आढळले आहेत़  डेल्टा आणि ओमायक्रॉन या नावांवरून या नव्या विषाणूस ‘डेल्टाक्रॉन’ नाव देण्यात आले आह़े   मात्र, करोनाची अशी आणखी उत्परिवर्तने शक्य असून, घाबरण्याची गरज नाही, असे साथरोग तज्ज्ञांचे म्हणणे आह़े

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
बडय़ा थकबाकीदारांना नोटिसा

संबंधित बातम्या

अटक करणाऱ्या एटीएस अधिकाऱ्याची उलटतपासणी ; प्रज्ञासिंह ठाकूर यांची अचानक विशेष न्यायालयात उपस्थिती
‘अदानी’च्या अर्जावर प्रक्रिया सुरू; नवी मुंबईसह मुलुंड-भांडुप, पनवेल भागात वीज वितरण परवाना
सरडाही लाजेल इतके भाजप सरकार रंग बदलत आहे, शिवसेनेची टीका
महाराष्ट्राची शान असलेल्या ‘कोयना’ धरणाची कथा सांगणारा लघुपट व्हायरल
‘अन्नपूर्णा’ पुस्तकाच्या लेखिका मंगला बर्वे यांचे निधन

व्हिडिओ

ताज्या बातम्या
FIFA WC 2022: ब्रुनो फर्नांडिस ठरला विजयाचा शिल्पकार, उरुग्वेवर मात करत पोर्तुगाल राउंड १६ मध्ये दाखल
विश्लेषण: मेसी, रोनाल्डोचे विक्रम मोडेल अशी क्षमता फ्रान्सच्या किलियन एम्बापेमध्ये आहे का?
“अचानक ती लिफ्ट तिसऱ्या मजल्यावरुन कोसळली आणि…” अजय देवगणने सांगितली खऱ्या आयुष्यातील घडलेली घटना
IFFI च्या ज्युरी प्रमुखांनी ‘द कश्मीर फाइल्स’ चित्रपटाला म्हटलं ‘वल्गर’ आणि ‘प्रोपगंडा’; अनुपम खेर यांनी दिलं उत्तर, म्हणाले “असत्याची…”
अ‍ॅपलकडून ट्विटर अ‍ॅप हटवण्याची धमकी, एलॉन मस्क यांचा गंभीर आरोप