मुंबई : कळवा स्थानकाजवळच सिग्नल यंत्रणेत बिघाड झाल्याने मध्य रेल्वेवरील कल्याणच्या दिशेने जाणाऱ्या लोकल उशिराने धावत आहेत. सिग्नल यंत्रणेत सकाळी ४.३० च्या सुमारास बिघाड झाला होता. सिग्नल यंत्रणेच्या दुरुस्तीसाठी एक तास लागल्याने लोकलच्या वेळापत्रकाचा बोजवारा उडाला.

या बातमीसह सर्व प्रीमियम कंटेंट वाचण्यासाठी साइन-इन करा

कळवा स्थानकाजवळील कारशेड ते डाउन धीम्या मार्गावर पहाटे ४.३० च्या सुमारास सिग्नल यंत्रणेत मोठा बिघाड झाला. कल्याणच्या दिशेने जाणाऱ्या लोकल गाड्यांना सिग्नल मिळत नसल्याने लोकल गाड्यांचा वेग मंदावला. रेल्वे कर्मचाऱ्यांनी घटनास्थळी पोहोचून सिग्नल यंत्रणेच्या दुरुस्तीचे काम हाती घेतले. दुरुस्तीसाठी वेळ लागल्याने कल्याणच्या दिशेने जाणाऱ्या लोकल उशिराने धावत होत्या. त्याचा काहीसा परिणाम कल्याण डोंबिवलीतून सीएसएमटीच्या दिशेने सुटणाऱ्या लोकलवरही झाला. सिग्नल यंत्रणेतील दुरुस्तीचे काम सकाळी ५.३० पर्यंत पूर्ण झाले. त्यामुळे लोकलच्या वेळापत्रक काहीसा परिणाम झाला.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Due to signal failure near kalwa station central railway local rain time table disturbed mumbai print news asj
First published on: 28-06-2022 at 11:18 IST