लंडनमधून आलेल्या तरूणीवर मुंबईत अत्याचार; अत्याचाराचा व्हिडिओ स्नॅपचॅटवर प्रसारित

हेही वाचा >>> कारागृहात गळफास लावून आरोपीची आत्महत्या

पीडीत तरूणी १७ वर्षांची असताना २०२० मध्ये हा प्रकार घडल्याचे सूत्रांनी सांगितले. पीडित मुलगी लंडनमधील रहिवासी आहे. ती २०२० मध्ये आजी-आजोबांकडे राहत होती. त्यावेळी ती १७ वर्षांची होती. त्यांच्या मित्राचा वाढदिवस असल्यामुळे २८ फेब्रुवारी २०२० रोजी कफ परेड येथे एका छोटेखानी कार्यक्रमाचे आयोजन करण्यात आले होते. कार्यक्रमात उपस्थित तरूणाने पीडित तरूणीला दारू पाजली. त्यानंतर शौचालयात पीडित मुलीवर अत्याचार केला. त्यावेळी आरोपीने पीडित तरूणीच्या नकळत तिचे चित्रीकरण केले. त्यानंतर स्नॅपचॅट या समाज माध्यमांवर आरोपीने हे चित्रीकरण प्रसारित केले.

हेही वाचा >>> Mumbai Local Mega Block Update : तिन्ही रेल्वे मार्गांवर रविवारी मेगाब्लॉक

याबाबतची माहिती मिळाल्यानंतर पीडित तरूणीने नुकतीच याप्रकरणी मुंबई पोलिसांकडे तक्रार केली होती. त्या तक्रारीच्या आधारे कफ परेड पोलीस ठाण्यात गुरूवारी नैसर्गिक अत्याचार, विनयभंग, बालकांचे लैंगिक अपराधांपासून संरक्षण कायदा (पोक्सो) व माहिती तंत्रज्ञान गैरवापर प्रतिबंधक कायद्याअंतर्गत गुन्हा दाखल करण्यात आला आहे. कफ परेड येथील उच्चभ्रू सोसाटीमधील सदनिकेत हा प्रकार झाला असून याप्रकरणी तरूणाविरोधात गुन्हा दाखल करण्यात आला आहे. याप्रकरणी पोलीस अधिक तपास करीत आहेत.