शिक्षकाकडून १३ वर्षीय विद्यार्थिनीचा विनयभंग- पोक्सो कायदा अंतर्गत गुन्हा दाखल

हेही वाचा >>> ‘मेट्रो ३’ स्थानक परिसरात २९३१ वृक्ष लागवडीसाठी तीन कंत्राटे; प्रती झाड ४१ हजार रुपये खर्च – एकूण खर्च १२ कोटी रुपयांवर

शाळेतील मुख्याध्यापिकेने पीडित मुलीला विश्वासात घेऊन तिच्याशी चर्चा केली. त्यावेळी विद्यार्थिनीने आरोपी शिक्षक तिचा विनयभंग करीत असल्याचे सांगितले. हा प्रकार गंभीर असल्याचे मुख्याध्यापिकेच्या लक्षात आल्यानंतर त्यांनी तातडीने पीडित मुलीच्या आई-वडिलांना शाळेत बोलावून घेतले व घडलेला प्रकार त्यांच्या कानावर घातला. त्यामुळे मुलीच्या आई – वडिलांना धक्का बसला. मुलांच्या सुरक्षेची जबाबदारी शाळेवर असल्यामुळे त्यांनीच याप्रकरणा कारवाई करावी, असे त्यांनी मुख्याध्यापिकांना सांगितले. त्यानंतर मुख्याध्यापिकेने याप्रकरणी कांदिवली पोलिसांकडे तक्रार केली. त्यानुसार पोलिसांनी याप्रकरणी भारतीय न्याय संहिता कलम ७४(विनयभंग), ७८ (महिलेला वारंवार संपर्क अथवा पाठलाग करणे), ७९ (अश्लील हातवारे अथवा अश्लील संवाद साधणे) सह पोक्सो कायद्याच्या कलम ८ व १२ अंतर्गत गुन्हा दाखल केला. याप्रकरणी पोलीस अधिक तपास करीत आहेत.