नागपूर: विदर्भातील सर्वाधिक मिठाई विक्रेते- उत्पादक नागपूरात आहेत. एप्रिल- २०२२ ते आजपर्यंत अन्न व औषध प्रशासन विभागाने (एफडीए) उत्पादनाच्या तपासण्या केल्या. त्यापैकी ४२ अस्थापनांनी मिठाईच्या डब्यांवर उत्पादन व ते मुदतबाह्य कधी होणार याची तारीख टाकली नसल्याचे आढळून आले. त्यांच्यावर कारवाई करण्यात आली.
सणासुदीत मोठया प्रमाणात दुध, खोवा, मिठाईची विक्री होते. हे पदार्थ नागरिकांना दर्जेदार मिळायला हवे. त्यासाठी एफडीएकडून उत्पादक- विक्रेत्यांची तपासणी केली जाते. एप्रिल- २०२२ ते २० सप्टेंबर २०२३ पर्यंत एफडीएने नागपूर
हेही वाचा >>>चंद्रपूर : सरकारने महापूर व अतिवृष्टी बाधित शेतकऱ्यांच्या तोंडाला पुसली पाने, केवळ १७ हजार रुपये मिळणार
या काळात जिल्ह्यात नमकीन, खोवा, बर्फी, कलाकंद बर्फी, मोदक, रसगुल्ला, पेढा, काजुकतली, लाडु, बुंदी, गुलाबजामुन, श्रीखंड, ऑईल, वनस्पती व कोकोनट पावडरचे १२९ नमुने तपासणीला प्रयोगशाळेत पाठवले. त्यापैकी १०१ नमुने प्रमाणित तर १२ नमुने मानकाप्रमाणे नव्हते. यापैकी तीन व्यावसायिकांवर खटले दाखल करण्यात आले तर उर्वरितांकडून १ लाख ६० हजार रुपयांचा दंड वसूल केला, असे एफडीए कडून कळवण्यात आले.
Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Food and drug administration inspections of the product have found that candy containers do not list the product expiration date in nagpur mnb 82 amy
