आईसोबत जवळीक म्हणून ज्येष्ठाचा खून, रक्तरंजित होळी अन् कोट्यवधींची दारू जप्त

वर्धा: केवळ संशय ही गुन्ह्याची जननी ठरत असल्याचे प्रकार नवे नाहीत. त्यातून मारामारी, शिवीगाळ व प्रसंगी खून करण्याचे प्रकार होत असतात. हा त्यातीलच गुन्हा. आरोपी अटकेत व श्वविच्छेदन सूरू. आर्वी तालुक्यातील खरागना पोलीस ठाण्यात तक्रार आज दाखल झाली आहे. कारंजा तालुक्यातील दाणापूर येथे खाजगी नौकरी करणाऱ्या ३५ वर्षीय दिनेश दिलीपराव कांबळे याने ही तक्रार केली आहे. तळेगाव येथील अरवली एक्स्प्लॉसिव्ह येथे तो हेल्पर म्हणून काम करतो. होळीच्या रात्रीच्या त्याने आई वडील व भावासोबत जेवण घेतले. त्यानंतर लहान भाऊ धम्मदीप हा आपल्या मोटर बाईकने वर्धेला निघून गेला. त्यानंतर मी व आई घरात जाऊन झोपलो. माझे वडील दिलीपराव कांबळे हे घराबाहेर पोर्च मध्ये बाजेवर झोपले होते. त्यानंतर रात्री अंदाजे १२ वाजता दरम्यान घराबाहेर आवाज आला. त्यामुळे मी दार उघडून बाहेर पाहले. त्यावेळी वडील हे बाजेवर उताणे पडल्याचे पाहले. त्यावेळी शुभम लिंगे हा लाकडी टेनप्याने माझ्या वडिलांच्या डोकयावर मारत असल्याचे दिसून आले. मला पाहून त्याने मला मारण्याचा प्रयत्न केल्याचे पाहून मी घरात घुसलो व आईस ही माहिती दिली. तेव्हा काका घराबाहेर आल्याने मी दरवाजा उघडून बाहेर येत असतांना शुभम टोणपे घेऊन माझ्या काकावर धावला.