विदर्भात सलग तिसऱ्या दिवशीही पाऊस; ‘गोसीखुर्द’चे दहा दरवाजे उघडले

मागील तीन दिवसांपासून विदर्भात मोसमी पाऊस सक्रिय झाला आहे. दोन दिवसांच्या मुसळधार पावसामुळे यवतमाळ, गोंदिया आदी जिल्ह्यातील धरणांमधील पाण्याची पातळी वाढली आहे. यवतमाळ जिल्ह्यातील धरणाचे काही दरवाजे आज उघडण्यात येणार आहेत तर गोसीखुर्दचे दहा दरवाजे उघडण्यात आले आहेत. तिथून पाण्याचा विसर्ग सुरू असल्याने नदीकाठावरील गावांना सतर्कतेचा इशारा देण्यात आला आहे. विदर्भातील इतर जिल्ह्यातही थांबलेल्या पावसाला सुरुवात झाली आहे.