Loksabha Election 2024 : लोकसभा निवडणुकीतील सर्वात ‘तरुण’ उमेदवार कोण? जाणून घ्या

लोकसभा निवडणुकीच्या मतदानाला काहीच दिवस शिल्लक आहेत. सध्या विविध नेत्यांचा प्रचारसभांचा धडाका सुरू आहे. आपले उमेदवार निवडून यावेत यासाठी पक्षांकडून विविध मतदारसंघात, अभ्यास करून प्रभावित करणारा चेहरा उमेदवार म्हणून निवडला जातो. त्याच पार्श्वभमीवर आपण जाणून घेऊयात या लोकसभा निवडणुकीत सर्वात तरुण उमेदवार कोण? ठरलं आहे. बिहारमधील समस्तीपूर लोकसभा मतदारसंघातील शांभवी चौधरी या उमेदवार, लोकसभा २०२४ च्या निवडणुकीतील सर्वात तरुण उमेदवार ठरल्या आहेत. चिराग पासवान यांच्या एलजेपी पक्षाने शांभवी यांना उमेदवारी दिली आहे. शांभवी चौधरी या मुख्यमंत्री नितीश कुमार यांचे निकटवर्तीय मानले जाणारे मंत्री अशोक चौधरी यांच्या कन्या आहेत. शांभवी यांनी लेडी श्रीराम महाविद्यालय दिल्ली येथून अर्थशास्त्राचे शिक्षण घेतले आहे तसेच समाजशास्त्र विषयात पीएचडी मिळवली आहे. शांभवी या विवाहित असून त्यांचे पती शायन कुणाल आहेत. २०२२ मध्ये त्यांचे लग्न झाले असून, या लग्न सोहळ्याला मुख्यमंत्री नितीश कुमार उपस्थित होते. शांभवी चौधरी यांचे वय वर्ष २५ आहे. आतापर्यंत आलेल्या उमेदवारांपैकी शांभवी या सर्वात तरुण उमेदवार ठरल्या आहेत. (Photo Source- Shambhavi Chaudhary/Facebook Page)