“बंटी तेरा साबूण स्लो है क्या?” म्हणणारी चिमुकली ते २ कोटी २८ लाख+ Followers असणारी सोशल मीडिया स्टार

1/45

तुम्ही टीव्हीवर कधीतरी ती एका हॅण्डवॉशची जाहिरात नक्कीच पाहिली असणार ज्यामध्ये एक छोटी मुलगी तिच्या वर्गमित्राला, 'बंटी तेरा साबुन स्लो है क्या?' असा प्रश्न विचारते.

2/45

खरं तर या जाहिरातीवरुन अनेक मिम्सही शेअर झाल्याने नेटकऱ्यांना ही जाहिरात फार परिचयाची आहे.

3/45

मात्र या जाहिरातीमधील ही छोटी मुलगी आता सोशल नेटवर्किंगवर लोकप्रिय सेलिब्रिटी आहे असं तुम्हाला सांगितल्यास विश्वास बसणार नाही.

4/45

पण हे खरं आहे या जाहिरातीमधील छोटी मुलगी या वर्षी २० व्या वर्षात पदार्पण करणार आहे.

5/45

बंटीच्या स्लो साबणाची चौकशी करणारी ही मुलगी आज सोशल मीडिया स्टार आहे.

6/45

तुमचा विश्वास बसणार नाही पण या मुलीचे सध्या इन्टाग्रामवर २ कोटी २८ लाख ५२ हजारहून अधिक फॉलोअर्स आहेत.

7/45

तर या मुलीचं नाव आहे अवनीत कौर.

8/45

अवनीत सध्या अभिनेत्री, मॉडल आणि डान्सर म्हणून सोशल नेटवर्किंगवर प्रचंड लोकप्रिय आहे.

9/45

अवनीतचा जन्म १३ ऑक्टोबर २००१ रोजी झाला.

10/45

पंजाबमधील जालंदरमध्ये तिचा जन्म झाला. नंतर तिचे पालक मुंबईला स्थायिक झाले.

11/45

अवनीतच्या आईचे नाव सोनिया नंदरा तर वडिलांचे नाव अमनदीप नंदरा आहे.

12/45

अवनीतने 'सब टीव्ही'वरील 'अलादीन- नाम तो सुना होगा' या मालिकेमध्ये प्रिन्सेस यास्मिनची भूमिका साकारली होती.

13/45

दोन वर्ष ही भूमिका साकारल्यानंतर आरोग्याच्या कारणांमुळे अवनीतला ही मालिका सोडावी लागली होती.

14/45

त्याचबरोबर अवनीतने अनेक चित्रपट आणि मालिकांमध्ये छोट्या मोठ्या भूमिका केल्या आहेत.

15/45

अवनीतच्या काही गाजलेल्या मालिकांबरोबरच तिने अनेक डान्स रिअॅलिटी शोमध्येही नाम कमावलं आहे.

16/45

अवनीत डान्स इंडिया डान्स लिटील मास्टर, डान्स के सुपरस्टार्स, झलक दिखला जा सारख्या कार्यक्रमांमध्ये स्पर्धक म्हणून सहभागी झाली होती.

17/45

तसेच 'लगे रहो चाचू', 'क्राइम पेट्रोल', 'चंद्रा नंदिनी', 'कुछ स्माइल हो जाऐ'सारख्या कार्यक्रमांमधून झळकली आहे.

18/45

'सब टिव्ही'वरील 'टेढ़ा है पर मेरा है'मध्येही अवनीत झळकली होती.

19/45

मालिकांमधील तिच्या कामाचं फार कौतुक झाल्याचं पहायला मिळालं.

20/45

तर 'मर्दानी', 'करीब करीब सिंगल', 'एकता', 'चिडियाखाना', 'मर्दानी २' सारख्या चित्रपटांमध्येही अवनीत झळकली आहे.

21/45

'झी फाइव्ह'वरील 'बाबर का ताबर' या वेब सिरीजच्या दोन्ही भागांमध्ये अवनीतने काम केलं आहे.

22/45

तसेच 'बंदीश बॅण्डइट'मधील एका गाण्यामध्ये अवनीतने गेस्ट अपेरन्स केलाय.

23/45

इतकच नाही तर ती असंख्य म्युझिक व्हिडीओंमधूनही प्रेक्षकांच्या भेटीस वेळोवेळी येत असते.

24/45

अवनीतने आता आपल्याला जास्तीत जास्त वेब सिरीज करायच्या असल्याचं नुकत्याच एका मुलाखतीमध्ये सांगितलं.

25/45

टीव्ही मालिकांपेक्षा आपण आता वेब सिरीजला प्राधान्य देणार असल्याचं ती म्हणाली होती.

26/45

मालिकांमधील कामासाठी अवनीतला काही पुरस्कारही मिळाले आहेत.

27/45

१९ व्या वर्षीच अवनीतला 'मोस्ट स्टायलिस्ट इन्फ्यूएन्सर' हा पुरस्कारही मिळालाय.

28/45

२०२० साली तिला गोल्ड ग्रॅम अॅण्ड स्टाइल अवॉर्ड्समध्ये सर्वोत्तम इन्फ्यूएन्सर हा पुरस्कार मिळालाय.

29/45

तिच्या फॉलोअर्सची संख्या पाहता ही अगदी योग्य निवड आहे असं म्हणता येईल.

30/45

सोशल मीडियावर ती स्वत:चे अनेक फोटो पोस्ट करताना दिसते.

31/45

तिच्या फोटोंवर हजारोंच्या संख्येने लाइक्सचा पाऊस पडतो.

32/45

अवनीतने वयाच्या १० व्या वर्षापासून अभिनय क्षेत्रातील आपलं करियर सुरु केलं.

33/45

अवनीत टिक-टॉकवरही प्रचंड लोकप्रिय होती. मात्र आता या प्लॅटफॉर्मवर भारतात बंदी घालण्यात आलीय.

34/45

अवनीतचं नाव टीव्ही अभिनेता सिद्धार्थ निगमशी जोडलं जातं.

35/45

मात्र अवनीत सांगते त्याप्रमाणे त्या दोघांमध्ये चांगली केमिस्ट्री असून अशापद्धतीच्या चर्चा ऐकायला आवडत नाही.

36/45

सध्या अभिनय क्षेत्रासोबतच अवनीत कांदिवलीमधील एका खासगी कॉलेजमधून पदवीचं शिक्षण घेत आहे.

37/45

द टाइम्सच्या मोस्ट डिझायरेबल वुमन ऑन टीव्ही २०२० च्या यादीमध्ये अवनीत १३ व्या स्थानी होती.

38/45

तर चंढीगड टाइम्स मोस्ट डिझायरेबल वुमन २०२० च्या यादीत अवनीत ११ व्या स्थानी आहे.

39/45

सोशल मीडियाच्या माध्यमातून अवनीत आपल्या चाहत्यांशी कनेक्टेड असते.

40/45

तिच्या व्हिडीओंनाही सोशल मीडियावर चांगल्या प्रतिक्रिया मिळतात.

41/45

अनेकदा ती आपले ग्लॅमरस फोटो सोशल नेटवर्किंगवरुन पोस्ट करत असते.

42/45

फोटो शूटमधील अनेक फोटो ती इन्स्टाग्रामवरुन शेअर करताना दिसते.

43/45

एकंदरितच अवनीतचे हा मॉडर्न लूक पाहिल्यावर ती लोकप्रिय जाहिरात फारच जुनी झाल्याची जाणीव होते. (सर्व फोटो अवनीतच्या इन्स्टाग्राम अकाऊंटवरुन साभार)