छतावर स्विमिंगपूल, प्रशस्त लिव्हिंग रुम, सनी लिओनीच्या नव्या घराचे फोटो पाहिलेत का?

बॉलिवूड अभिनेत्री सनी लिओनी ही चित्रपटातील बोल्ड सीनमुळे कायमच चर्चेत असते. सनी ही सोशल मीडियावर कायमच सक्रिय असल्याचे पाहायला मिळते. सोशल मीडियाच्या माध्यमातून ती चाहत्यांशी संपर्कात राहते. पॉर्नस्टार म्हणून सुरुवात करणाऱ्या सनी लिओनीने मार्ग बदलत बॉलिवूडकडे वाटचाल केली.‘बेबी डॉल’ या आयटम साँगने तिला बॉलिवूडमध्ये भरभरून प्रसिद्धी दिली.आपल्या आयुष्याला एक वेगळं वळण देणारी सनी यशस्वी कलाकारांपैकी एक आहे.सनीकडे देशविदेशात कोट्यावधींची संपत्ती आहे. काही महिन्यांपूर्वी सनीने स्वप्ननगरी मुंबईतही स्वत:चे घर खरेदी केले आहे. बॉलिवूडमध्ये प्रवेश केल्यानंतर सनी लिओनी ही बऱ्याच काळापासून भाड्याने राहत होती. नुकतंच तिने तिच्या घराचे सुंदर फोटो सोशल मीडियावर पोस्ट केले आहेत. यात सनी स्विमिंग सूट घालून घराच्या छतावरील स्विमिंग पूलचा आनंद घेताना दिसत आहे. सनी लिओनी नेहमीच तिच्या नवीन घराचे अनेक फोटो सोशल मीडियावर पोस्ट करत असते. काही दिवसांपूर्वी गणेशोत्सवाच्या निमित्ताने तिने घरातील गणपती पूजेचे फोटो पोस्ट केले होते. सनी लिओनी आणि तिचा पती डॅनियलचे मुंबईतील नवीन घर अंधेरी पश्चिमेकडील लिंक रोडजवळ आहे. अंधेरीतील अटलांटिक्स बिल्डींगच्या १२ व्या मजल्यावर तिने ३ बीएचके फ्लॅट खरेदी केला आहे. सनीच्या घरातील लिव्हिंग एरिया फारच मोठा असून तो फार सुंदर आहे. तिच्या घरातील बहुतांश रुमचा रंग हा पांढरा आहे. त्यासोबत मॅचिंग पडदे, फर्निचर याचे तिने उत्तम कॉम्बिनेशन केले आहे. सनीने खरेदी केलेल्या या फ्लॅटची किंमत जवळपास १६ कोटी रुपये असल्याचे बोललं जात आहे. सनीने २०११ मध्ये डॅनिअल वेबरशी लग्न केलं. सनीच्या संपूर्ण प्रवासात डॅनिअलने तिची साथ दिली. लग्नापूर्वी काही वर्ष हे दोघं रिलेशनशिपमध्ये होते. या दोघांनी निशा या मुलीला दत्तक घेतलं. त्यानंतर सरोगसीच्या माध्यमातून त्यांना दोन मुलं झाली. त्यापैकी एकाचं नाव अॅशर आणि दुसऱ्याचं नोआ आहे. पती डॅनिअल आणि तीन मुलं असं सनीचं कुटुंब आहे.