सेलिब्रिटींची मांदियाळी… भारत-पाक सामन्याला ‘या’ कलाकारांच्या उपस्थितीने लागले चार चाँद

1/15

बाबर आझमच्या नेतृत्वात खेळणाऱ्या पाकिस्तान संघाने टी-२० वर्ल्डकप २०२१ स्पर्धेत भारताला मात देत नव्या इतिहासाची नोंद केली आहे.

2/15

दुबईच्या मैदानावर रंगलेल्या सामन्यात पाकिस्तानने भारताचा १० गडी राखून पराभव केला.

3/15

वर्ल्डकप स्पर्धेत पाकिस्ताने भारताला पहिल्यांदाच मात दिली आहे.

4/15

पाकिस्तानचा कप्तान बाबर आझमने नाणेफेक जिंकून प्रथम गोलंदाजी करण्याचा निर्णय घेतला. रोहित शर्मा, केएल राहुल हे फलंदाज अपयशी ठरल्यानंतर विराटने किल्ला लढवला.

5/15

त्याच्या अर्धशतकी योगदानामुळे भारताने पाकिस्तानला १५२ धावांचे आव्हान दिले.

6/15

पाकिस्तानचा वेगवान गोलंदाज शाहीन शाह आफ्रिदीने धडकी भरवणारा स्पेल टाकला आणि रोहित, राहुल आणि विराटला माघारी धाडले.

7/15

प्रत्युत्तरात सलामीवीर मोहम्मद रिझवान आणि कप्तान बाबर आझम यांनी दमदार १५२ धावांची भागीदारी करत संघाला सहज विजय मिळवून दिला.

8/15

रिझवानने नाबाद ७९ तर बाबरने नाबाद ६८ धावांची खेळी केली. आफ्रिदीला सामनावीर पुरस्काराने गौरवण्यात आले.

9/15

भारत आणि पाकिस्तान या सामन्याचा थरार बघण्यासाठी मोठ्या संख्येने लोक उपस्थित होते.

10/15

हा सामना पाहण्यासाठी बॉलिवूडचा खिलाडी अक्षय कुमार उपस्थित होता.

11/15

यावेळी त्याच्या बाजूला जय शहा, टीम इंडियाचा आघाडीचा फलंदाज शिखर धवन ही स्टेडिअममध्ये मॅचसाठी बसलेला पाहायला मिळाला.

12/15

तसेच बॉलिवूड अभिनेत्री प्रिती झिंटा, मॉनी रॉय या अभिनेत्रींनीही हा सामना पाहण्यासाठी हजेरी लावली.

13/15

मात्र या सर्व सेलिब्रेटींमध्ये अभिनेत्री उर्वशी रौतेलावर सर्वांच्याच नजरा खिळल्या.

14/15

उर्वशीचे सामन्यादरम्यान भारतीय संघाला प्रोत्साहन देतानाचे अनेक फोटो व्हायरल होत आहे.

15/15

अनेक बॉलिवूड कलाकारांसह उर्वशीही भारताला चीअर करण्यासाठी दुबईच्या स्टेडिअमवर पोहोचली होती.