हर हर महादेव! सारा-जान्हवीने घेतलं केदारनाथचं दर्शन

सध्याच्या घडीला बॉलिवूडमध्ये स्टार किड्सचीच चर्चा पाहायला मिळात आहे.दिवंगत अभिनेत्री श्रीदेवी यांची मुलगी जान्हवी कपूर आणि अभिनेता सैफ अली खानची मुलगी सारा अली खान या दोघींनी बॉलिवूडमध्ये दणक्यात पदार्पण केलं. जान्हवीने 'धडक' या चित्रपटातून बॉलिवूडमध्ये पदार्पण केले.यानंतर जान्हवी 'रुही' आणि 'गुंजन सक्सेना' या चित्रपटांमध्ये मुख्य भूमिका साकारली आहे. 'केदारनाथ' चित्रपटातून साराने बॉलिवूडमध्ये पदार्पण केले.त्यानंतर ती रोहित शेट्टीच्या 'सिम्बा' चित्रपटात झळकली.साराचा 'कूली नंबर १' हा चित्रपट काही दिवसांपूर्वी ओटीटी प्लॅटफॉर्मवर प्रदर्शित झाला होता. जान्हवी कपूर आणि सारा अली खान जिवलग मैत्रिणी आहेत.सारा आणि जान्हवी सोशल मीडियावर मोठ्या प्रमाणावर सक्रिय असतात.सोशल मीडियावर फोटो आणि व्हिडीओ शेअर करत त्या चाहत्यांच्या संपर्कात राहतात.नुकतंच या दोघींनी चारधाम यात्रेतील केदारनाथ मंदिरात जाऊन दर्शन घेतलं.गंगोत्री, यमनोत्री, केदारनाथ आणि बद्रीनाथ या चार स्थळाला हिंदू संस्कृतीत पवित्र मानले जाते.केदारनाथ मंदिरा परिसरातील काही फोटो साराने तिच्या इन्स्टाग्राम अकाऊंटवर शेअर केले आहेत.गंगोत्री, यमनोत्री, केदारनाथ आणि बद्रीनाथ ही चारही ठिकाणे १०००० फुटांपेक्षा अधिक उंच आहेत.जान्हवीने इन्स्टाग्रामवर उत्तराखंड मधील सुंदर फोटो शेअर केले आहेत.जान्हवी आणि साराचे लाखो चाहते आहेत. लवकरच जान्हवी 'गुडलक', 'तख्त', 'दोस्ताना २' आणि 'रणभूमि' या चित्रपटांमध्ये दिसणार आहे.सारा आणि जान्हवीचे बरेच फोटो सध्या सोशल मीडियावर व्हायरल होत आहेत.सारा लवकरच दिग्दर्शक आनंद एल राय यांच्या 'अतरंगी रे' या चित्रपटात दिसणार आहे. सारा आणि जान्हवी सध्या त्यांच्या आगामी चित्रपटांच्या चित्रीकरणामध्ये व्यग्र आहेत. (सर्व फोटो सौजन्य : जान्हवी कपूर आणि सारा अली खान / इन्स्टाग्राम)