दिग्दर्शकाची ‘ती’ एक अट आणि शाहरुख खान बनला बॉलिवूडचा ‘किंग खान’

1/17

‘किंग खान’, ‘बाजीगर’, ‘किंग ऑफ रोमॅन्स’ अशा विविध नावाने बॉलिवूड अभिनेता शाहरुख खानला ओळखले जाते.

2/17

भारतासह परदेशातही शाहरुखचा तुफान चाहतावर्ग आहे. पण बॉलिवूडचा सुपरस्टार होण्यासाठी त्याला प्रचंड मेहनत करावी लागली होती. शाहरुखने त्याच्या करिअरची सुरुवात टीव्ही शो ‘फौजी’मधून केली हे सर्वांना माहिती आहे.

3/17

अभिनयाशी दूरदूरपर्यंत संबंध नसलेल्या शाहरुखचा किंग खानपर्यंतचा प्रवास फार कठीण होता.

4/17

पण सिनेसृष्टीतील एका दिग्गज दिग्दर्शकाने त्याच्यासमोर ठेवलेली अट त्याच्या करिअरसाठी टर्निंग पाईंट ठरली.

5/17

शाहरुखच्या या यशात दिग्दर्शक लेख टंडन यांचा मोलाचा वाटा आहे. कारण त्यांनीच त्याला पहिल्यांदा ब्रेक दिला होता.

6/17

८०-९० च्या दशकात शाहरुख हा त्याच्या सिनेसृष्टीतील करिअरसाठी प्रचंड संघर्ष करत होता. त्यावेळी शाहरुख स्टाईल म्हणून डोक्यावर लांब केस ठेवायचा.

7/17

त्यावेळी लेख टंडन दिल्लीत एका टेलिव्हिजन मालिकेचे शूटिंग करत होते.

8/17

त्यावेळी एकदा लांब केस असलेला एक मुलगा त्यांच्या सेटवर कोणाला तरी सोडण्यासाठी आल्याचे त्यांनी पाहिले. हा मुलगा दुसरा तिसरा कोणी नसून शाहरुखच होता.

9/17

यावेळी लेख टंडन यांनी शाहरुखला पाहिले आणि त्याला थांबवून त्याची विचारपूस केली.

10/17

या दरम्यान लेख यांनी शाहरुखला विचारले, ‘तू माझ्यासोबत काम करशील का? पण त्यासाठी तुला माझी एक अट मान्य करावी लागेल.’

11/17

यावेळी शाहरुखने होकारार्थी मान डोलावली आणि अट काय असे विचारले. त्यावेळी लेख म्हणाले की, ‘तुला तुझे केस कापावे लागतील.’

12/17

त्यावेळी शाहरुखला त्याचे केस प्रचंड आवडत होते. पण सिनेसृष्टीत येण्यासाठी त्याने ते कापण्याचे ठरवले.

13/17

‘पण जर मी केस कापून आलो आणि मला काम करण्याची संधी मिळालीच नाही तर?’ असा प्रश्न शाहरुखने लेख टंडन यांना विचारला

14/17

यावर ते हसत म्हणाले, ‘तू केस कापून तर ये. तुला नक्कीच काम मिळेल.’

15/17

यानंतर शाहरुख थोडेसे केस कापून आला. पण तेव्हा लेख त्याला म्हणाले, ‘एवढेसे केस कापून काहीही होणार नाही. तुला अजून केस कापावे लागतील.’

16/17

यानंतर शाहरुखने पुन्हा जाऊन त्याचा हेअरकट केला होता. यानंतर त्याला ‘दिल दरिया’ या मालिकेत काम करण्याची संधी मिळाली.

17/17

‘दिल दरिया’ या मालिकेतील त्याची भूमिका प्रचंड गाजली. त्यामुळेच पुढे त्याला ‘फौजी’ या मालिकेत काम करण्याची संधी मिळाली.