जिम ट्रेनर ते ‘बिग बॉस मराठी ३’चा विजेता; जाणून घ्या, विशाल निकमबद्दल…

1/24

१०० दिवस, १७ सदस्य आणि एक ट्रॉफी! बिग बॉस मराठीच्या घरामध्ये आलेला प्रत्येक सदस्य जिंकण्याचे ध्येय घेऊन घरात आला.

2/24

कार्यक्रमाच्या तिसर्‍या पर्वाला देखिल संपूर्ण महाराष्ट्राने भरभरून प्रेम दिले.

3/24

प्रत्येक सदस्याने प्रेक्षकांची मने जिंकायला पहिल्या भागापासून सुरुवात केली.

4/24

प्रत्येक घरात, देशाच्या कानाकोपरामध्ये फक्त ‘बिग बॉस’ मराठीची चर्चा रंगत गेली. मग ती टास्कविषयी असो, घरात होणार्‍या राड्यांविषयी असो वा सदस्यांच्या दिवसागणिक बदलणार्‍या नात्यांविषयीची असो.

5/24

‘बिग बॉस’ मराठीच्या तिसर्‍या पर्वाचा महाअंतिम सोहळा नुकताच मुंबई येथे पार पाडला.

6/24

आणि शेवटी तो क्षण आला ज्याची वाट संपूर्ण महाराष्ट्र पहात होता, महाराष्ट्राला ‘बिग बॉस’ मराठीच्या तिसर्‍या पर्वाचा विजेता मिळाला.

7/24

विशाल निकम ठरला ‘बिग बॉस’ मराठीच्या तिसर्‍या पर्वाचा विजेता तर जय दुधाणेने पटकावले दुसरे स्थान.

8/24

विशाल निकमला २० लाख इतकी धनराशी मिळाली आणि ट्रॉफी.

9/24

खेळाडूवृत्ती, टास्क जिंकण्याची त्याची जिद्द, घरातील वावर, स्पष्टवक्तेपणा यामुळे तो नेहेमीच चर्चेत राहिला.

10/24

सध्या सोशल मीडियावर विशालवर कौतुकाचा वर्षाव होत आहे.

11/24

स्टार प्रवाह वाहिनीवरील ‘साता जल्माच्या गाठी’ या मालिकेतून विशालने छोट्या पडद्यावर पदार्पण केले.

12/24

विशालचा अभिनयाचा प्रवास मात्र वाटतो तितका सोपा नाही.

13/24

मुळचा सांगलीकर असणाऱ्या विशालला लहानपणापासूनच अभिनयाचं वेड होतं.

14/24

वडील शेतकरी, घरात कुणीही अभिनय क्षेत्रात नाही. अश्या परिस्थितीतही विशालने आपला हट्ट सोडला नाही.

15/24

मास्टर इन फिजिक्सची पदवी आणि सोबतीला अभिनयाचे धडे घेत असताना त्याने स्वप्नांचा पाठलाग करत मुंबई गाठली.

16/24

अभिनय क्षेत्रात पाऊल कसं टाकावं याची माहिती मिळवण्यासाठी त्याने मुंबईतल्या एका जिममध्ये पर्सनल ट्रेनर म्हणून कामाला सुरुवात केली.

17/24

‘दख्खनचा राजा ज्योतिबा’ या मालिकेतून विशाल प्रसिद्धीझोतात आला.

18/24

विशालने ‘मिथुन’ आणि ‘धुमस’ या चित्रपटांत भूमिका साकारल्या आहेत.

19/24

अभिनय क्षेत्रात यायचं तर फिटनेसशिवाय पर्याय नाही याची त्याला जाणीव होती आणि आहे. त्यामुळेच तर शूटिंगच्या वेळा सांभाळत तो फिटनेसवरही तितकीच मेहनत घेतो.

20/24

अभिनयासोबतच डान्स, मार्शल आर्ट्स आणि तलवार बाजीचंही विशालने प्रशिक्षण घेतलं आहे.

21/24

क्रिकेटमध्येही विशाल पारंगत आहे.

22/24

विशालच्या जिद्दीची ही कहाणी तमाम तरुणाईसाठी नक्कीच प्रेरणादायी आहे.

23/24

सिनेमातल्या एखाद्या गोष्टीप्रमाणेच विशालची कहाणी आहे.

24/24

(सर्व फोटो सौजन्य : विशाल निकम / इन्स्टाग्राम)