हृतिक रोशनसोबत हॉटेलबाहेर दिसलेली ‘ती’ अभिनेत्री कोण? जाणून घ्या

1/16

जबरदस्त अ‍ॅक्शन, शरीरयष्टी, आणि अफलातून डान्ससाठी ओळखला जाणारा अभिनेता ह्रतिक रोशन हल्ली बराच चर्चेत असतो.

2/16

नुकतंच हृतिकचा एक व्हिडीओ सोशल मीडियावर व्हायरल होत आहे. यात हृतिकने एका मुलीचा हात पकडला आहे. विशेष म्हणजे ही मुलगी हृतिकच्या गाडीतून जाताना दिसत आहे.

3/16

ही मुलगी नक्की कोण? असा प्रश्न अनेकांना पडला आहे. हृतिक आणि ती मुलगी एकमेकांना डेट करतात का? असाही प्रश्न उपस्थित होत आहे. मात्र अद्याप याची कोणतीही माहिती समोर आलेली नाही.

4/16

हृतिकसोबत फिरणाऱ्या या अभिनेत्रीचे नाव सबा आझाद असे आहे. सबा आझाद ही एक बॉलिवूड अभिनेत्री आहे. तिने आतापर्यंत अनेक चित्रपटात काम केले आहे.

5/16

सबा आझादचा जन्म १ नोव्हेंबर १९९० रोजी झाला. दिल्लीत शालेय शिक्षण पूर्ण झाल्यानंतर तिने थिएटर कलाकार म्हणून सिनेसृष्टीचा प्रवास सुरु केला.

6/16

सबाने २००८ मध्ये ‘दिल कबड्डी’ या चित्रपटातून सिनेसृष्टीत पदार्पण केले. यात ती राहुल बोससोबत झळकली होती.

7/16

त्यानंतर २०११ मध्ये तिने ‘मुझसे फ्रेंडशिप करोगे’ या चित्रपटात काम केले. या चित्रपटामुळे तिला खरी ओळख मिळाली.

8/16

या चित्रपटांपूर्वी सबाने अनेक शॉर्टफिल्म्समध्ये काम केले होते. इशान नायर दिग्दर्शित ‘गुरू’ हा तिचा आंतरराष्ट्रीय चित्रपट महोत्सवात दाखल होणारा पहिला लघुपट होता.

9/16

गेल्यावर्षी प्रदर्शित झालेला ‘फील्स लाइक इश्क’ हा सबाचा शेवटचा चित्रपट होता.

10/16

सबाने २०१० मध्ये स्वतःची थिएटर कंपनी उघडली. ‘द स्किन्स’ असे त्याचे नाव होते. याद्वारे तिने ‘लव्हपुक’ नावाचे पहिले नाटकही दिग्दर्शित केले.

11/16

सबाला गायनासोबतच थिएटरचीही प्रचंड आवड आहे. त्याने अभिनेता नसरुद्दीन शाह यांचा मुलगा इमाद शाह याच्यासोबत ‘मॅडबॉय/मिंक’ या इलेक्ट्रॉनिक बँडचीही सुरुवात केली आहे.

12/16

या इलेक्ट्रॉनिक बँडद्वारे त्यांनी देशभरात परफॉर्मन्स केले. त्यानंतर २०१३ मध्ये इमादने आणि सबासोबत रिलेशनशिपमध्ये असल्याचा खुलासा केला होता.

13/16

२०१३ मध्ये यशराज फिल्म टॅलेंट डिव्हीजनने त्यांच्या युट्यूब चॅनेलवर ‘धूम अँथम’ चा एक व्हिडीओ रिलीज केला होता. यात सबा आझाद झळकली होती.

14/16

विशेष म्हणजे या राष्ट्रगीताला तिने आपला आवाज दिला. याशिवाय सबाने ‘नौटंकी साला’, ‘डिटेक्टिव ब्योमकश बक्षी’, ‘शानदार’, ‘कारवां’ आणि ‘मर्द को दर्द नहीं होता’ यांसारख्या चित्रपटांमध्येही गाणी गायली आहेत.

15/16

सबा सध्या नेटफ्लिक्सवर रिलीज झालेल्या ‘फील्स लाइक इश्क’मध्ये झळकत आहे. याआधी २०१६ मध्ये तिने ‘लेडीज रूम्स’ नावाचा वेब शोही केला होता.

16/16

लवकरच ती ‘सोनी लिव्ह’वरील आगामी वेब सीरिज ‘रॉकेट बॉईज’ मध्ये दिसणार आहे. येत्या ४ फेब्रुवारी रोजी ही वेबसीरिज रिलीज होणार आहे.