The fashion of these celebrities grab attention at the ITA Awards | Photos: आलियाची चंदेरी साडी ते राखीचा गुलाब...ITA अवाॅर्डमध्ये 'या' कलाकारांच्या फॅशनने वेधलं लक्ष

२१व्या इंडियन टेलिव्हिजन अकादमी पुरस्कार सोहळ्याला टेलिव्हिजन सृष्टीसह अनेक बॉलिवूड कलाकारांनी हजेरी लावली. यावेळी त्यांच्या फॅशनने सगळ्यांचंच लक्ष वेधून घेतलं. बॉलिवूड अभिनेत्री आलिया भट तिच्या सिल्वर लूकमध्ये अतिशय सुंदर दिसत होती. तिच्या या लूकमुळे तिचे चाहते नक्कीच घायाळ झाले असतील. रणवीर सिंगनेही या पुरस्कार सोहळ्याला हजेरी लावली. यावेळी तो हटके लूकमध्ये दिसला. या सोहळ्यात रणवीरच्या ८३ सिनेमाला सर्वोत्कृष्ट सिनेमाचा खिताब मिळाला. रणवीरने आपल्या टीमसह हा पुरस्कार स्वीकारला. या सोहळ्याला अभिनेत्री वाणी कपूरही उपस्थित होती. तिने काळ्या रंगाची साडी परिधान केली होती. यावेळी ती अतिशय सुंदर दिसत होती. आपल्या वेगवेगळ्या लूक्समुळे नेहमी चर्चेत असणारी अभिनेत्री निया शर्मा यावेळीही चर्चेचा विषय ठरली. तिचा पांढरा ड्रेस सर्वांचेच लक्ष वेधून घेत होता. हिना खानने यावेळी संपूर्ण काळ्या रंगाचा पोशाख परिधान केला होता. यावेळी तिला तिच्या लाइन या चित्रपटासाठी पुरस्कार देखील मिळाला अभिनेत्री रश्मी देसाई यावेळी स्टायलिश लूकमध्ये पाहायला मिळाली. या ड्रेसमध्ये तिचे सौंदर्य अधिकच खुलून येत होते. तारक मेहता का उल्टा चष्मा फेम बबिता म्हणजेच अभिनेत्री मुन्मुणी दत्तानेही या सोहळ्याला हजेरी लावली. आपल्या वक्तव्यांमुळे सतत चर्चेत असणारी राखी सावंत या सोहळ्याला संपूर्ण काळ्या पोशाखात दिसून आली. तिच्या डोक्यावरील भलेमोठे गुलाब आकर्षणाचे केंद्र ठरला. (Photo: Varinder Chawla) रेड कार्पेटवरील रणवीर आणि राखीच्या डान्सने सर्वांचेच लक्ष वेधून घेतले. (Photo: Varinder Chawla)गायक आणि संगीतकार अरमान मलिक या सोहळ्याला उपस्थित होता. भूत पोलीस चित्रपटातील त्याच्या गाण्यासाठी त्यालाही पुरस्कार मिळाला. (सर्व फोटो : इंस्टाग्राम)