Photos : ‘तुझ्या माझ्या संसाराला आणि काय हवं’ मालिकेतील अभिनेत्रीचा पार पडला साखरपुडा

झी मराठीवरील एकत्र कुटुंब पद्धतीचं दर्शन घडवणारी 'तुझ्या माझ्या संसाराला आणि काय हवं' ही मालिका अल्पावधीतच प्रेक्षकांच्या पसंतीस पडली. या मालिकेतील प्रमुख जोडी सिड आणि अदिती देखील प्रेक्षकांची आवडती आहे. अदितीची भूमिका साकारणारी अभिनेत्री अमृता पवार ही तिच्या स्टाईल आणि अभिनय कौशल्याने तरुणांच्या गळ्यातील ताईत बनली आहे. अमृताचा नुकताच साखरपुडा पार पडला आहे. अमृताने सोशल मीडियावर फोटो शेअर करत ही आनंदाची बातमी चाहत्यांसोबत शेअर केली आहे. नील पाटील असं अमृताच्या जोडीदाराचं नाव आहे. अमृताच्या या फोटोंवर चाहत्यांनी शुभेच्छांचा वर्षाव केला आहे. सोनी मराठीवरील 'स्वराज्यजननी जिजामाता' आणि 'जिगरबाज' या मालिकेत अमृताने काम केले होते. (सर्व फोटो सौजन्य : अमृता पवार / इन्स्टाग्राम)