Photos : आलिया-रणबीर ते बिग बी…’ब्रम्हास्त्र’ चित्रपटासाठी कलाकारांनी घेतले ‘इतके’ कोटी रुपये मानधन

'ब्रम्हास्त्र: भाग १' हा बहुचर्चित आणि बहुप्रतीक्षित बॉलिवूड चित्रपट ९ सप्टेंबर २०२२ रोजी प्रेक्षकांच्या भेटीला येणार आहे. बॉलिवूड दिग्दर्शक अयान मुखर्जी यांनी या चित्रपटाचं दिग्दर्शन केलं आहे. या चित्रपटाची स्टार कास्टही तगडी आहे. बिग बी अमिताभ बच्चन या चित्रपटात महत्वपूर्ण भूमिका साकारणार आहेत. तर बॉलिवूडमधील नवविवाहित दाम्पत्य या चित्रपटाच्या माध्यमातून पहिल्यांदाच मोठया पडद्यावर एकत्र दिसणार आहेत. बॉलिवूड अभिनेता रणबीर कपूर आणि अभिनेत्री आलिया भट्ट या चित्रपटात एकत्र काम करताना दिसतील. 'ब्रम्हास्त्र: भाग १' चित्रपटात बॉलिवूड अभिनेत्री मौनी रॉयदेखील झळकणार आहे. या चित्रपटात ती 'दमयंती' हे पात्र साकारणार आहे. मीडिया रिपोर्टनुसार, या चित्रपटासाठी मौनीने तीन कोटी रुपये मानधन घेतलं आहे. दाक्षिणात्य अभिनेता नागार्जुन 'ब्रम्हास्त्र: भाग १' चित्रपटात अजय वशिष्ठ हे पात्र साकारणार आहे. हे पात्र साकारण्यासाठी त्याने ९ ते ११ कोटी रुपये घेतले असल्याची माहिती आहे. बॉलिवूड अभिनेता रणबीर कपूर या चित्रपटात मुख्य भूमिकेत आहे. 'शिवा' हे पात्र या चित्रपटात तो साकारणार आहे. रणबीरने 'ब्रम्हास्त्र: भाग १' चित्रपटासाठी २५-३० करोड रुपये मानधन घेतले आहे. बॉलिवूड अभिनेत्री आलिया भट्ट या चित्रपटात 'तारा' हे पात्र साकारताना दिसेल. या भूमिकेसाठी तिने १०-१२ कोटी रुपये घेतले असल्याची माहिती आहे. अभिनयाने प्रेक्षकांना मंत्रमुग्ध करणारे बिग बी अमिताभ बच्चन 'ब्रम्हास्त्र' चित्रपटात 'गुरु अरविंद' या भूमिकेत आहेत. मीडिया रिपोर्टनुसार, 'ब्रम्हास्त्र' चित्रपटासाठी त्यांनी ८-१० कोटी रुपये मानधन घेतलं आहे. (सर्व फोटो : इंडियन एक्सप्रेस)